قاڭتاردىڭ باسىندا رەسەي جەلتوقسانداعى كورسەتكىشپەن سالىستىرعاندا مۇناي ءوندىرىسىن تاۋلىگىنە 100 مىڭ باررەلگە ازايتتى, دەپ حابارلايدى Reuters اگەنتتىگى.
وپەك+ كەلىسىمى اياسىندا ۇيىمعا مۇشە جانە وعان كىرمەيتىن مەملەكەتتەر ءوندىرىستى تاۋلىگىنە 1,8 ملن باررەلگە ازايتۋى كەرەك ەدى. وسى كەلىسىم اياسىندا قازاقستان وزىنە جۇكتەلگەن 20 مىڭ باررەلدى وتكەن اپتادا ازايتقانى ايتىلعان بولاتىن.
ودان بولەك كۋۆەيت, ومان, يراك, ساۋد ارابياسى دا وزدەرىنە تيەسىلى كولەمدە قىسقارتا باستادى.
ال يران كەرىسىنشە مۇناي ەكسپورتىن كوتەرە تۇسكەن. ناتيجەسىندە بۇگىنگى تاڭەرتەڭگى سەسسيادا قارا التىن قۇنى ءسال ارزاندادى.
ەستەرىڭىزگە سالا كەتەيىك, رەسەي جوعارىدا اتالعان كەلىسىم بويىنشا تاۋلىگىنە 300 مىڭ باررەل ازايتۋ كەرەك بولاتىن. ازىرگە مىندەتتەمەنىڭ تەك ۇشتەن ءبىرى ورىندالدى.
الايدا ەلدىڭ ەنەرگەتيكا ءمينيسترى الەكساندر نوۆاك الداعى ۋاقىتتا مۇناي ءوندىرىسىن 300 مىڭ باررەلگە دەيىن ازايتاتىنىن ايتۋدا.