يسپانيانىڭ ايگىلى «رەال» كومانداسىندا ونەر كورسەتكەن فرانتسيالىق قورعاۋشى جيۋلەن فوبەر مانسابىن قازاقستان پرەمەر-ليگاسىندا جالعاستىرۋى مۇمكىن. بۇل تۋرالى vesti.kz حابارلادى.
«كارديفف سيتي» كلۋبىنىڭ سپورت ديرەكتورى اليشەر اپسالياموۆتىڭ ايتۋىنشا, 33 جاستاعى فرانتسيالىق قورعاۋشى «التاي» ۇجىمىنا اۋىسۋعا جاقىن.
«قازىرگى ۋاقىتتا جيۋلەن فوبەردىڭ ترانسفەرى بويىنشا اينالىسىپ جاتىرمىز. ول فرانتسيادا, انگليادا 200-دەن استام ويىنعا قاتىسقان. ايگىلى ءمادريدتىڭ «رەالىندا» دا ونەر كورسەتكەن. شىنى كەرەك, ەندىگى كەزەكتە قازاقستان پرەمەر-ليگاسىنداعى «التاي» كلۋبىندا باق سىناپ كورگىسى كەلەدى. بىراق ازىرگە كەلىسسوزدەر جايلى تولىقتاي ايتا المايمىن», – دەدى اپسالياموۆ.
ايتا كەتەيىك, يسپانيالىق كلۋب فوبەردى «ۆەست حەمنەن» 2009 جىلدىڭ قاڭتار ايىندا 1,5 ميلليون ەۋروعا جالعا العان. سونىمەن قاتار, ول فرانتسيانىڭ «كانن», «بوردو», تۇركيانىڭ «ەليازىگسپور» كلبۋتارىندا ويناعان.