بريتانيانىڭ ەڭ ءىرى اۆتوكونتسەرندەرىنىڭ ءبىرى Jaguar Land Rover (JLR) 2016 جىلى رەكوردتىق كولەمدە كولىك ساتتى, دەپ جازادى investing باسىلىمى.
باسىلىمنىڭ حابارلاۋىنشا, كومپانيا بىلتىر 583 313 كولىك ساتقان. بۇل 2015 جىلمەن سالىستىرعاندا 20 پايىزعا ارتىق. دەگەنمەن, الدىڭعى جىلعى جەلتوقسانمەن سالىستىرعاندا بىلتىرعى جەلتوقساندا ساۋدانىڭ 12 پايىز ازايعانى بايقالادى.
ايتا كەتەيىك, 2008 جىلى ءۇندىستاننىڭ Tata كومپانياسى تاراپىنان ساتىپ الىنعان اۆتوكونتسەرن سول كەزدەن باستاپ نارىقتاعى ءوز ۇلەسىن ەسەلەپ ارتتىرا باستادى. سونىڭ ىشىندە اۆتوكولىكتەر قىتاي مەن برازيليادا ءوتىمدى بولىپ تۇرعانى ايتىلادى.