2016 جىلى مەملەكەتتىك الەۋمەتتىك ساقتاندىرۋ قورىنان ء(ارى قاراي - ماسق) جۇكتىلىك پەن بوسانۋعا, بالا اسىراپ الۋىنا, ءبىر جاسقا دەيىنگى بالانىڭ كۇتىمىنە بايلانىستى كىرىسىنەن ايىرىلعان جاعدايعا بايلانىستى ازاماتتارعا 125.5 ملرد. تەڭگە تولەندى, دەپ حابارلادى قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ءباسپاسوز قىزمەتى.
ەگەر ازاماتشا مىندەتتى الەۋمەتتىك ساقتاندىرۋ جۇيەسىنىڭ قاتىسۋشىسى بولسا, وعان رەسپۋبليكالىق بيۋدجەتتەن بەرىلەتىن الەۋمەتتىك جاردەماقىدان باسقا, جۇكتىلىك پەن بوسانۋعا, بالا اسىراپ الۋىنا بايلانىستى كىرىسىنەن ايىرىلعان جاعدايدا ماسق-نان الەۋمەتتىك تولەمدەر بەرۋ قاراستىرىلعان. 2016 جىلى مۇنداي الەۋمەتتىك تولەمدەر 56,5 ملرد. تەڭگە سوماسىندا 174 366 ايەلگە بەرىلدى.
ءبىر جاسقا دەيىنگى بالانىڭ كۇتىمىنە بايلانىستى كىرىسىنەن ايىرىلعان جاعدايدا ماسق-نان بەرىلگەن اي سايىنعى تولەمنىڭ ورتاشا مولشەرى 2016 جىلى 22 349 تەڭگەنى قۇرادى. اي سايىن الەۋمەتتىك تولەمنىڭ مۇنداي ءتۇرىن 69 ملرد. تەڭگە سوماعا 201 مىڭ ادام الدى.