وبلىس ورتالىعىندا اشىلعان تۋبەركۋلەز اۋرۋىنان ەمدەيتىن اۋرۋحانانى «100 مەكتەپ, 100 اۋرۋحانا» باعدارلاماسىنا وراي ءجۇزەگە اسقان جۇمىستاردىڭ ءبىرى دەپ ساناۋعا بولادى.
وسى اۋرۋ تۇرىمەن سىرقاتتانۋشىلار قاتارىن 2020 جىلعا دەيىن 20 پايىزعا ازايتۋ ماسەلەسى بيىلعى جولداۋدا دا ايتىلدى. ارينە, جولداۋدان تۋىنداعان ويلار زاماناۋي ۇلگىدە سالىنعان اۋرۋحانالار ارقىلى ورىندالىپ جاتسا, اۋرۋلار سانىنىڭ ازاياتىنىنا دا كۇمان جوق. وبلىس ورتالىعىنداعى بۇل اۋرۋحانا 210 ادامعا ارنالسا, ەمحاناسى كۇنىنە 100 ادام قابىلداي الادى. جاڭا نىساننىڭ قۇرىلىسىنا رەسپۋبليكالىق بيۋدجەتتەن 2 ملرد. 100 ميلليون تەڭگە ءبولىندى. بۇل كۇندەرى اۋرۋحانا جارقىراعان جاڭا كەلبەتكە ەنىپ, اۋرۋ جاندار دەنساۋلىعىن ەمدەۋگە كوشكەن. اۋرۋحانا قۇرامىنداعى ءتورت تەراپەۆتىك بولىمشەدە 67 دارىگەر, 176 ورتا دەڭگەيدەگى مەديتسينالىق قىزمەتكەر ەڭبەك ەتۋدە. سونىمەن قاتار, مەديتسينالىق قالدىقتاردى جويۋعا ارنالعان تسەح اشىلدى. بۇل باسقا ەمدەۋ ورىندارىنا دا مۇمكىندىك تۋدىردى. اۋرۋحانا تسەحتىڭ ارقاسىندا جىلىنا 2 ميلليون تەڭگە ۇنەمدەي الادى. سۋ تازارتاتىن شاعىن قۇرىلعىلارى دا بار. اۋلاسى قورشالىپ, ورتالىقتاندىرىلعان بەينەكامەرالار ورناتىلعان.
فاريدا بىقاي.
پاۆلودار.