قازاقستان رەسپۋبليكاسى تۇڭعىش پرەزيدەنتىنىڭ كىتاپحاناسىندا «ۆولونتەر – 2016» رەسپۋبليكالىق كونكۋرسىنىڭ جەڭىمپازدارىن سالتاناتتى تۇردە ماراپاتتاۋ شاراسى ءوتتى, دەپ حابارلايدى ءدىن ىستەرى جانە ازاماتتىق قوعام مينيسترلىگى ءدىن ىستەرى كوميتەتىنىڭ ءباسپاسوز قىزمەتى.
بايقاۋ ۆولونتەرلىك جوبالاردى جۇزەگە اسىرعان, سونداي-اق 2016 جىلى ءوز ەركىمەن ۆولونتەرلىك قىزمەتتەر اتقارعان ەڭ ۇزدىك ۆولونتەرلىك ۇيىمداردى ىرىكتەپ, ماراپاتتاۋعا باعىتتالعان. ماراپاتتاۋ راسىمىنە ءدىن ىستەرى جانە ازاماتتىق قوعام ءمينيسترى نۇرلان ەرمەكباەۆ, قر پارلامەنتى ءماجىلىسىنىڭ دەپۋتاتى باقتيار ماكەن, جاستار, قوعامدىق ۇيىمدارىنىڭ جەتەكشىلەرى, سونداي-اق, وڭىرلەردەن كەلگەن ۆولونتەرلەر قاتىستى. «ۆولونتەرلىك» – ول ءوز ويلارىن جۇزەگە اسىرۋداعى ۇلكەن مۇمكىندىك جانە ۆولونتەر بولۋ ول ادامدار الدىندا عانا ەمەس, ول ءوز-وزىنە دەگەن ۇلكەن جاۋاپكەرشىلىك. ۆولونتەر بولۋ تەك شىعارماشىل جانە بەلسەندى بولۋ ەمەس, سونىمەن قاتار باتىر مىنەزدى ءارى لايىقتى ادام بولۋ. شىن جۇرەكتەن جۇمىس جاسايتىن بارلىق ەرىكتىلەر تازا قاھارمان, شىنايى جانە اشىق جاندار. ءار ۆولونتەر جوعارى ماراپاتقا جانە قولداۋعا لايىقتى» دەدى مينيستر. رەسپۋبليكالىق كونكۋرسقا قازاقستاننىڭ بارلىق وڭىرلەرىنەن 150-دەن اسا ءوتىنىش بەرىلىپ, سايىسقا قاتىستى.