«مەرلار بەيبىتشىلىكتى قولدايدى» بەدەلدى حالىقارالىق ۇيىمى 2020 جىلعا دەيىن يادرولىق قارۋدى جويۋدى كوزدەيتىن «ارمان 2020» اتتى كولەمدى كامپانيا ۇيىمداستىردى, دەپ حابارلايدى "24 حابار" ارناسى.
قازاقستان 1982 جىلى قۇرىلعان «مەرلار بەيبىتشىلىكتى قولدايدى» قوزعالىسىنىڭ الدىڭعى قاتارىندا كەلەدى. ۇيىمنىڭ ۇيلەستىرۋشىسى رەندي رايدەلدىڭ پىكىرىنشە, بۇۇ دا قارۋسىزدانۋ ماسەلەلەرى بويىنشا قازاقستاننىڭ امال-تاسىلدەرىن قولدايتىن ۇلتتار قاۋىمداستىعى قالىپتاستى. الەمنىڭ بارلىق ايماقتارىن قامتىعان ۇيىمنىڭ قاتارى كۇن سايىن ارتىپ كەلەدى. رايدەلدىڭ ايتۋىنشا, كەيبىر ەلدەر بۇل ماسەلەنى ابستراكتىلى دەپ سانايدى, ال قازاقستان بولسا, يادرولىق قارۋدىڭ بارشاعا قاۋىپ ءتوڭدىرىپ تۇرعانىن ايقىن دالەلدەپ بەردى. - يادرولىق قارۋدىڭ ەڭ ۇلكەن ارسەنالىنا يە بولعان جانە اۋماعىندا جۇزدەگەن يادرولىق سىناق وتكەن ەلدىڭ وسىنداي شەشىم قابىلداۋى – باتىل قادام. سوندىقتان قازاقستاننىڭ اتى اتالعان ماسەلەنى قوزعاۋعا مورالدىق تۇرعىدا قاقىسى بار. قازاقستاننىڭ ناقتى دالەلدەمەلەرى الەم حالىقتارىنىڭ نازارىن وسى باعىتتاعى باستامالارعا اۋدارىپ, قولداۋ كورسەتۋگە شاقىرادى. ەل پرەزيدەنتى – يادرولىق قارۋسىزدانۋ سالاسىنىڭ شىنايى كوشباسشىسى. يادرولىق قاۋىپسىزدىك, يادرولىق قارۋدى تاراتپاۋ جانە قارۋسىزدانۋ سالاسىندا اتقارعان قازاقستاننىڭ ەلەۋلى ەڭبەكتەرىن اتاپ ايتا كەلە, بۇۇ-نىڭ قاۋىپسىزدىك كەڭەسىنە سايلانۋىمەن قۇتتىقتايمىن! قاۋىپسىزدىك كەڭەسى جاس مەملەكەتكە كوپتەگەن ماسەلەنى كوتەرۋگە مۇمكىندىك بەرەدى, دەدى «مەرلار بەيبىتشىلىكتى قولدايدى» ۇيىمنىڭ ۇيلەستىرۋشىسى رەندي رايدەل.