بۇگىن قر پارلامەنتى ءماجىسىلىنىڭ جالپى وتىرىسىندا «2017-2019 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» زاڭ جوباسى تالقىلاندى, دەپ حابارلايدى Baq.kz.
دەپۋتاتتارعا زاڭ جوباسىن قارجى جانە بيۋدجەت كوميتەتىنىڭ مۇشەسى ومارحان وكسىكباەۆ تانىستىردى. سونداي-اق, ماڭىزدى وتىرىستا «رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالا, استانا بيۋدجەتتەرى اراسىنداعى 2017-2019 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» زاڭ جوباسى دا تالقىعا ءتۇستى.
«17 قاراشادا «رەسپۋبليكالىق جانە وبلىستىق بيۋدجەتتەر, رەسپۋبليكالىق ماڭىزى بار قالا, استانا بيۋدجەتتەرى اراسىنداعى 2017-2019 جىلدارعا ارنالعان جالپى سيپاتتاعى ترانسفەرتتەردىڭ كولەمى تۋرالى» زاڭ جوباسى قر پارلامەنتىنىڭ سەناتىندا قارالعان بولاتىن. الايدا, وزگەرىستەر مەن تولىقتىرۋلارعا بايلانىستى, رەسپۋبليكالىق بيۋدجەتتىڭ 2017-2018 جىلدارعا ارنالعان جوباسىنا 4 تۇزەتۋ ەنگىزدى. ونىڭ ىشىندە 3 تۇزەتۋ الماتى قالاسىنىڭ بيۋدجەتتىك الۋ كولەمىن جىل سايىن 1,8 ملرد تەڭگەگە ازايتۋعا بايلانىستى. اتالعان قاراجات ۋنيۆەرسيادا-2017 وتكىزۋ ءۇشىن سالىنعان «الماتى-ارەنا» جانە «حالىق ارەنا» كوپفۋنكتسيونالدى ەكى مۇز كەشەنىن كۇتىپ-ۇستاۋعا ارنالعان. وسى وبەكتىلەردى كۇتىپ-ۇستاۋدى الماتى قالاسى بيۋدجەتىنىڭ ەسەبىنەن جۇرگىزۋ جوسپارلانىپ وتىر», - دەدى ول.
سونداي-اق, ومارحان وكسىكباەۆ سەنات ەنگىزگەن وزگەرىستەر اتالعان زاڭ جوباسىنا كەرى اسەر ەتپەيتىندىگىن اتاپ ءوتتى.
«سەنات ەنگىزگەن 1 تۇزەتۋ حالىقتى ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ جاڭا باعدارلاماسىن ازىرلەۋگە بايلانىستى 7-قوسىمشانىڭ تاقىرىبىن وزگەرتۋگە بايلانىستى بولعان. الايدا سەنات ەنگىزگەن تۇزەتۋلەر جالپى زاڭ جوباسىنىڭ نەگىزگى كونتسەپتسياسىنا كەرى اسەر ەتپەيدى. وسى ورايدا قارجى جانە بيۋدجەت كوميتەتى قر پارلامەنتىنىڭ ماجىلىسىنەن سەنات ەنگىزگەن وزگەرىستەردى قابىلداۋدى سۇرايدى», - دەدى ول.
وسىدان كەيىن قر پارلامەنتى ءماجىسىلىنىڭ جالپى وتىرىسىندا دەپۋتاتتار زاڭ جوباسىنا داۋىس بەرىپ, ماڭىزدى قۇجات ماقۇلداندى.