سەناتتىڭ الەۋمەتتىك-مادەني دامۋ كوميتەتىندە دەپۋتاتتاردىڭ ۇلتتىق كومپانيالار, حولدينگتەر جانە بيزنەس قۇرىلىمدارى باسشىلارىمەن كەزدەسۋىندە بيزنەستىڭ الەۋمەتتىك جاۋاپكەرشىلىك ماسەلەلەرى ءسوز بولدى, دەپ حابارلادى وسى پالاتانىڭ ءباسپاسوز قىزمەتى.
كوميتەت توراعاسى ا.بيجانوۆ تالقىلاۋدى اشا كەلىپ, پرەزيدەنت ن.نازارباەۆتىڭ قاتىسۋىمەن 2008 جىلعى قاڭتاردا جەزقازعاندا بولعان رەسپۋبليكالىق فورۋمدا قول قويىلعان الەۋمەتتىك ەڭبەك قاتىناستارى سالاسىنداعى كەلىسىمدى ءجۇزەگە اسىرۋ اياسىنداعى وسى كەزدەسۋدىڭ ماڭىزدىلىعىن اتاپ ءوتتى.
نەگىزگى بايانداما جاساعان ەڭبەك جانە حالىقتى الەۋمەتتىك قورعاۋ ءمينيسترى گ.ابدىقالىقوۆا ەكونوميكانى جاڭعىرتۋ مەن حالىقتىڭ ءال-اۋقاتىن جاقسارتۋداعى الەۋمەتتىك جاۋاپكەرشىلىك ىسىنە بيزنەستىڭ قاتىسۋ ماسەلەلەرىنە نازار اۋداردى.
كەزدەسۋگە قاتىسۋشىلار وسى سالانى جەتىلدىرۋ جونىندە ءبىرقاتار سىندارلى ۇسىنىستار ايتتى.