كەشە ۇكىمەت ۇيىندە قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆتىڭ توراعالىعىمەن اگروونەركاسىپ كەشەنىن دامىتۋدىڭ مەملەكەتتىك باعدارلاماسى جوباسىن تالقىلاۋ جونىندە كەڭەس ءوتتى, دەپ حابارلادى پرەمەر-ءمينيستردىڭ ءباسپاسوز قىزمەتى.
كەڭەس بارىسىندا قاتىسۋشىلار 2017-2021 جىلدارعا ارنالعان اگروونەركاسىپ كەشەنىن دامىتۋدىڭ مەملەكەتتىك باعدارلاماسىنىڭ جوباسىن تالقىلادى.
ازىرلەنىپ جاتقان مەملەكەتتىك باعدارلامانىڭ نەگىزگى مىندەتتەرى – مال شارۋاشىلىعىنىڭ جانە وسىمدىك شارۋاشىلىعىنىڭ تيىمدىلىگىن ارتتىرۋ, تاۋار وندىرىسىنە ۇساق وندىرۋشىلەردى تارتۋ جانە ءونىمدى وتكىزۋ مەن قايتا وڭدەۋدىڭ ارەكەتتى جۇيەسىن قۇرۋ ءۇشىن اۋقىمدى اۋىل شارۋاشىلىعى كووپەراتسياسىن دامىتۋ, مەملەكەتتىك قولداۋدىڭ تيىمدىلىگى مەن قولجەتىمدىلىگىن قامتاماسىز ەتۋ, ماقساتتى ەكسپورت ساياساتىن ىسكە اسىرۋ جانە ورگانيكالىق ونىمدەردىڭ قازاقستاندىق برەندىن العا جىلجىتۋ.