«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ ء(ارى قاراي – كونستيتۋتسيالىق زاڭ) 27-بابىنىڭ 2-تارماعىنا سايكەس قازاقستان رەسپۋبليكاسىنىڭ پرەزيدەنتتىگىنە كانديداتتاردىڭ ۇگىت-ناسيحات جۇمىستارى باستالدى.
ورتالىق سايلاۋ كوميسسياسىنىڭ 2011 جىلدىڭ 4 اقپانىنداعى №16/22 قاۋلىسىمەن بەكىتىلگەن «قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن ازىرلەۋ مەن وتكىزۋ جونىندەگى نەگىزگى ءىس-شارالاردىڭ كۇنتىزبەلىك جوسپارىنا» سايكەس سايلاۋ الدىنداعى ۇگىت-ناسيحات جۇمىستارى 2011 جىلدىڭ 2 ساۋىرىندە جەرگىلىكتى ۋاقىت بويىنشا ءنول ساعاتتا اياقتالادى.
سايلاۋ الدىنداعى ۇگىت بارىسىندا پرەزيدەنتتىككە كانديداتتار باسپا جانە باسقا دا بۇقارالىق اقپارات قۇرالدارىندا وزدەرىنىڭ سايلاۋ الدىنداعى ۇگىت جانە ناسيحات جۇمىستارىن جۇرگىزۋگە قۇقىلى.
كانديداتتاردىڭ سايلاۋ الدىنداعى ۇگىت جۇرگىزۋى ءۇشىن بۇقارالىق اقپارات قۇرالدارىنا قولجەتىمدىلىگىنىڭ تەڭ جاعدايىنا كەپىلدىك بەرىلەدى (كونستيتۋتسيالىق زاڭنىڭ 28-بابىنىڭ 2-تارماعى).
كونستيتۋتسيالىق زاڭنىڭ 27-بابىنىڭ 7-تارماعىنا سايكەس بۇقارالىق اقپارات قۇرالدارى كانديداتتىڭ نەمەسە ساياسي پارتيانىڭ ار-نامىسىنا, قادiر-قاسيەتiنە جانە ىسكەرلىك بەدەلىنە كورىنەۋ نۇقسان كەلتىرەتىن ۇگىت ماتەريالدارى مەن وزگە دە اقپاراتتى جاريالاۋدان اۋلاق بولۋعا مىندەتتى.
كونستيتۋتسيالىق زاڭنىڭ 28-بابىنىڭ 5-تارماعىنا سايكەس بارلىق ۇگiتتiك باسپا ماتەريالدارىندا سول ماتەريالداردى شىعارعان ۇيىم, ولار باسىلعان جەر مەن تارالىمى, تاپسىرىس جاساعان تۇلعالار, قانداي قاراجاتتان تولەنگەندiگi تۋرالى مالىمەتتەر بولۋعا ءتيىس. Yگiتتiك باسپا ماتەريالدارىن قازاقستان رەسپۋبليكاسىنىڭ اۋماعىنان تىسقارى جەرلەردە دايىنداۋعا, انونيمدىك ۇگىت ماتەريالدارىن تاراتۋعا تىيىم سالىنادى.
كونستيتۋتسيالىق زاڭنىڭ 28-بابىنىڭ 9-تارماعىنا سايكەس سايلاۋعا بايلانىستى قوعامدىق پىكىرگە سۇراۋ سالۋ ناتيجەلەرىن جاريالاعان كەزدە بۇقارالىق اقپارات قۇرالدارى سۇراۋ سالۋدى جۇرگىزگەن ۇيىمدى, سۇراۋ سالۋدى جۇرگىزۋگە تاپسىرىس بەرگەن جانە ونىڭ اقشاسىن تولەگەن ادامداردى, سۇراۋ سالۋ جۇرگىزىلگەن ۋاقىتتى, اقپارات جيناۋ ءادىسىن, سۇراۋ سالۋدىڭ ناقتى تۇجىرىمىن, سۇرالعانداردىڭ سانى مەن سۇراۋ سالۋ ناتيجەسىنىڭ قاتەلىك كوەففيتسيەنتىن كورسەتۋگە مىندەتتى.
بۇقارالىق اقپارات قۇرالدارىندا قوعامدىق پىكىرگە سۇراۋ سالۋ ناتيجەلەرىن, سايلاۋ ءناتيجەلەرىنىڭ بولجامىن, سايلاۋعا بايلانىستى وزگە دە زەرتتەۋلەردى داۋىس بەرىلەتىن كۇن الدىنداعى بەس كۇن ىشىندە جانە داۋىس بەرىلەتىن كۇنى جاريالاۋعا جول بەرىلمەيدى.
سايلاۋ كۇنى داۋىس بەرىلەتىن ءۇي-جايدا نەمەسە داۋىس بەرۋ پۋنكتىندە قوعامدىق پىكىرگە سۇراۋ سالۋعا تىيىم سالىنادى. كورسەتىلگەن تىيىمداردى جانە سايلاۋ الدىنداعى ۇگىت جۇرگىزۋ تالاپتارىن ساقتاماۋ كونستيتۋتسيالىق زاڭنىڭ 50-بابىنىڭ 2-تارماعىنىڭ 5, 11, 16-تارماقشالارىنا, 59-بابىنىڭ 7-تارماعىنا, «بۇقارالىق اقپارات قۇرالدارى تۋرالى» زاڭنىڭ 25-بابىنا سايكەس كىنالى تۇلعالاردىڭ اكىمشىلىك, قىلمىستىق جانە ازاماتتىق-قۇقىقتىق جاۋاپكەرشىلىگىنە اكەلىپ سوعادى.
بۇقارالىق اقپارات قۇرالىن سايلاۋ الدىنداعى ۇگىت جۇرگىزۋ, ونىڭ ىشىندە كانديداتتار تۋرالى كورىنەۋ جالعان مالىمەتتەر تاراتۋ نەمەسە سايلاۋدىڭ ناتيجەسىنە ىقپال ەتۋ ماقساتىندا ولاردىڭ ابىرويى مەن قادiر-قاسيەتiنە نۇقسان كەلتىرەتىن وزگە دە ءىس-ارەكەتتەر جاساۋ زاڭنىڭ 13-بابىنىڭ 3-تارماعىنا سايكەس سوت ءتارتىبىمەن بۇقارالىق اقپارات قۇرالىنىڭ شىعارىلۋىن نە بۇقارالىق اقپارات قۇرالى ءونىمىنىڭ تاراتىلۋىن توقتاتۋعا نەگىز بولىپ تابىلادى.
زاڭناما نورمالارىنىڭ مازمۇنىن ءتۇسىندىرە وتىرىپ, باس پروكۋراتۋرا سايلاۋ الدىنداعى ۇگىت جۇرگىزۋ تالاپتارىن بۇزۋعا, ۇگىت ماتەريالدارىن زاڭسىز دايىنداۋ جانە تاراتۋعا, سونداي-اق كانديداتتار تۋرالى جالعان ءمالىمەتتەر جاريالاۋعا نەمەسە ولاردىڭ ار-نامىسى مەن قادiر-قاسيەتiنە نۇقسان كەلتىرەتىن وزگە دە ءىس-ارەكەتتەرگە بارۋعا جول بەرىلمەيتىنىنە ازاماتتاردىڭ, لاۋازىمدى ادامداردىڭ جانە بارلىق بۇقارالىق اقپارات قۇرالدارىنىڭ نازارىن اۋدارادى.
قازاقستان رەسپۋبليكاسىنىڭ باس پروكۋراتۋراسى.