وبلىستاعى ساۋدا ورىندارىنداعى ازىق-ت ۇلىك باعالارىنىڭ كوتەرىلۋىنە جول بەرمەۋدە كەشەندى شارالار قابىلدانۋىنا قاراماستان, ءونىمنىڭ كەيبىر ءتۇرلەرىنىڭ قىمباتتاۋى ورىن الىپ وتىرعانى جاسىرىن ەمەس. قانشا جەردەن قاداعالاساڭ دا قالتانى قامپيتۋدى عانا ويلايتىن كەيبىر كاسىپورىندار, ءىرى بازارلار مەن ساۋدا ورىندارى كوزدى الا بەرىپ, ازىق-ت ۇلىك باعالارىن قىمباتتاتا قويۋدان تىيىلماي كەلەدى.
وسى جانە باسقا ماسەلەلەر وبلىس اكىمى ەلەۋسىن ساعىندىقوۆتىڭ توراعالىق ەتۋىمەن ازىق-ت ۇلىك قاۋىپسىزدىگىن قامتاماسىز ەتۋ جانە ازىق-ت ۇلىك ونىمدەرىنىڭ نەگىزگى تۇرلەرىنە باعانىڭ وسۋىنە جول بەرمەۋگە باعىتتالعان ءماجىلىستە وتكىر اڭگىمە وزەگىنە اينالدى.
قۇقىق قورعاۋ جانە قاداعالاۋ-باقىلاۋشى ورگاندار جەتەكشىلەرى, اقتوبە قالاسىنىڭ اكىمى مەن بىرقاتار اۋىلشارۋاشىلىق ءونىمدەرىن وندىرەتىن كاسىپورىنداردىڭ, قالاداعى ءىرى ساۋدا مەكەمەلەرى مەن بازارلاردىڭ باسشىلارى قاتىسقان جيىندا مۇنداي ءجايتتەرگە جول بەرگەندەردەن قاتاڭ سۇرالدى.
ءبىزدىڭ وبلىستاعى ينفلياتسيا رەسپۋبليكالىق ورتا كورسەتكىشتەن تومەن ەكەندىگىنە قاراماستان, ارقانى كەڭگە سالۋعا بولمايدى, دەي كەلىپ, ءوڭىر باسشىسى مۇنداي مازمۇنداعى جينالىستىڭ وسى جىلى ءۇشىنشى مارتە وتكىزىلىپ وتىرعانىن تىلگە تيەك ەتتى.
اۋەلى جەرگىلىكتى ازىق-ت ۇلىك رىنوگىن مولشىلىقتا ۇستاۋ جانە ءبىرىنشى قاجەتتىلىكتەگى ازىق-ت ۇلىك ونىمدەرىنە باعا ءوسۋىن ۇستاپ تۇرۋ بويىنشا قابىلدانعان شارالار تۋرالى قالا اكىمى ارحيمەد مۇحامبەتوۆ پەن «اقتوبە الەۋمەتتىك-كاسىپكەرلىك كورپوراتسياسى» اق باسقارماسىنىڭ توراعاسى سەرعازى ەسەمباەۆتىڭ حابارلارى تىڭدالدى. قابىلدانعان شارالار ناتيجەسىندە ون ەكى اتاۋلار بويىنشا, ونىڭ ىشىندە كۇرىش, قاراقۇمىق, قىرىققابات, كارتوپ جانە باسقا ازىق-ت ۇلىك تۇرلەرىنە باعا ەلەۋلى تۇردە تومەندەگەنى اتاپ ءوتىلدى.
باسكەلەستىكتى قورعاۋ اگەنتتىگىنىڭ اقتوبە جانە باتىس قازاقستان وبلىستارى بويىنشا وڭىرارالىق ينسپەكتسياسىنىڭ باستىعى ازامات قامشىمباەۆ وزدەرى ءجۇرگىزگەن ساراپتاما بويىنشا, ازىق-ت ۇلىك رىنوگىمەن قاتار تۇتىنىم رىنوگىنداعى باعانى تۇراقتاندىرۋعا ارنالعان بىرقاتار اۋداندىق شتابتاردىڭ جۇمىستارىن سىنعا الدى. ماسەلەن, ىرعىز, تەمىر جانە ءمارتوك اۋداندارىندا ازىق-ت ۇلىك باعاسى جوعارى بولسا, ەڭ قولايلى باعا شالقار اۋدانىندا قالىپتاسقان.
وبلىس اكىمى اۋدان باسشىلارىنا جۋىق ارادا باعا ساياساتىن رەتتەۋ تۋرالى تاپسىرما بەردى. الداعى ۋاقىتتا قابىلدانعان شارالار تۋرالى ءبىرىنشى باسشىلاردىڭ ەسەپتەرى تىڭدالاتىن بولدى.
وبلىس اكىمى «ساۆولا فۋدس سيايەس» جشس جەتەكشىسى باقىتجان تۇرمەتوۆكە جەرگىلىكتى جەردە ءوندىرىلەتىن ءونىمنىڭ باعاسى نەلىكتەن قىمبات دەگەن ساۋالدى توتەسىنەن قويدى. اتالمىش كاسىپورىن وندىرەتىن «لەتو» مايىنىڭ ءبىر ءليترى 308 تەڭگە تۇرادى, ال شىعىس قازاقستان وبلىسىنان اكەلىنگەن وسىنداي ءونىم 301 تەڭگەدەن ساتىلۋدا.
جەرگىلىكتى رىنوكتاعى قولجەتىمدى باعا بويىنشا ەتپەن قامتاماسىز ەتۋ جولدارىن تالقىلاۋ بارىسىندا وبلىس اكىمى «ءوندىرۋشى – ءونىمدى وتكىزۋشى» تىزبەگىندە دەلدال-ساتىپ الۋشىلاردى بولدىرماۋ قاجەتتىگىنە نازار اۋداردى, وسىعان بايلانىستى قاجەتتى شارالار الۋ جونىندە ءتيىستى ورگاندارعا نۇسقاۋ بەردى.
ساتىبالدى ءساۋىرباي, اقتوبە وبلىسى.