كوكتەمنىڭ العاشقى كۇندەرىنىڭ بىرىندە اۋدان ورتالىعى – قاراۋىلدا تاۋەلسىزدىكتىڭ 20 جىلدىعى اياسىندا «تۋعان جەرگە تاعزىم» دەگەن تاقىرىپپەن ءتالىمى زور اكتسيا وتكىزىلدى. وعان ۇلىلار ەلىنەن قاناتتانىپ ۇشقان ەسىمى ەلگە بەلگىلى كاسىپكەرلەر شاقىرىلدى.
جيىن باسىندا اۋدان اكىمى ەرجان سۇلەيمەن ءسوز الىپ, قوناقتاردى اۋدان تىنىسىمەن تانىستىردى جانە كاسىپكەرلەردى تۋعان جەردى وركەندەتۋگە شاقىردى. وسى ماقساتپەن «قامقورلىق» جانە تاعى باسقا قورلار اشىلدى. سوعان وراي ءبىرىنشى بولىپ ءۇن قاتقان اباي اۋدانىنىڭ قۇرمەتتى ازاماتى امانتاي مۇقاتاەۆ ۇلىلارعا قاتىستى قاسيەتتى ورىنداردى جاڭعىرتىپ, جوندەۋ ماقساتىنا دەپ 1 ميلليون تەڭگە قارجى اۋداراتىندىعىن مالىمدەدى. بۇل يگى باستاما باسقا ازاماتتار تاراپىنان دا قولداۋ تاۋىپ جاتتى.
ءتالىمدى اكتسيا سوڭى «قالامقاس» حالىق ءانسامبلىنىڭ تاماشا ويىن- ساۋىعىنا ۇلاستى.
شىعىس قازاقستان وبلىسى.