ەلباسى نۇرسۇلتان نازارباەۆ تۇركيا پرەزيدەنتى رەجەپ تايپ ەردوعانمەن تەلەفون ارقىلى سويلەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
اڭگىمە بارىسىندا مەملەكەت باسشىسى ر.ت.ەردوعاندى تۇركيانىڭ ۇلتتىق مەيرامى – رەسپۋبليكا كۇنىمەن قۇتتىقتاپ, باۋىرلاس تۇرىك حالقىنا بەيبىتشىلىك پەن باق-بەرەكە تىلەدى.
تاراپتار ەكىجاقتى قارىم-قاتىناستىڭ جاي-كۇيى مەن پەرسپەكتيۆالارىن, سونداي-اق بىرقاتار وڭىرلىك جانە حالىقارالىق وزەكتى ماسەلەلەردى تالقىلادى.
* * *
مەملەكەت باسشىسى نۇرسۇلتان نازارباەۆ وزبەكستان رەسپۋبليكاسى پرەزيدەنتىنىڭ مىندەتىن اتقارۋشى شاۆكات ميرزيەەۆپەن تەلەفون ارقىلى سويلەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى.
اڭگىمە بارىسىندا نۇرسۇلتان نازارباەۆ شاۆكات ميرزيەەۆتى بيىلعى 4 جەلتوقساندا وزبەكستان رەسپۋبليكاسى پرەزيدەنتىن سايلاۋعا كانديداتۋراسىنىڭ ۇسىنىلۋىمەن قۇتتىقتادى.
تاراپتار ەلدەرىمىزدىڭ ساۋدا-ەكونوميكالىق قارىم-قاتىناس اياسىن كەڭەيتۋگە تىڭ سەرپىن بەرگەن ۇكىمەتارالىق بايلانىستاردىڭ جاندانۋىنا وڭ باعا بەردى.
اڭگىمەلەسۋ كەزىندە ەكىجاقتى ىنتىماقتاستىقتى ودان ءارى دامىتۋ پەرسپەكتيۆالارىنا باسا نازار اۋدارىلدى.