پارلامەنت سەناتىنىڭ توراعاسى قاسىم-جومارت توقاەۆ بۇۇ-نىڭ تۇراقتى ۇيلەستىرۋشىسى – بۇۇ دامۋ باعدارلاماسىنىڭ قازاقستانداعى تۇراقتى وكىلى نوريماسا شيمومۋرانى قابىلدادى, دەپ حابارلادى سەناتتىڭ ءباسپاسوز قىزمەتى.
اڭگىمە بارىسىندا ق.توقاەۆ بۇۇ باس حاتشىسى لاۋازىمىنا بۇۇ-دا بىرگە جۇمىس ىستەگەن كەزدەن جاقسى بىلەتىن انتونيۋ گۋتەرريشتىڭ سايلانۋىمەن قۇتتىقتادى جانە ونىڭ مول تاجىريبەسى جاڭا باس حاتشىعا ۇيىمدى بارلىق ادامزاتتىڭ يگىلىگى ءۇشىن تابىستى باسقارۋعا مۇمكىندىك بەرەتىنىنە سەنىم ءبىلدىردى. توراعا ادامنىڭ ابىرويلى ءومىرى مەن ونىڭ قۇقىقتارىن قورعاۋدى قامتاماسىز ەتۋگە ارنالعان شارالاردى قابىلداۋداعى, كليمات جونىندەگى پاريج حارتياسىن ازىرلەۋ مەن قابىلداۋداعى, سونداي-اق, دىنارالىق ۇنقاتىسۋدى دامىتۋداعى باس حاتشى پان گي مۋننىڭ قوماقتى ۇلەسىن دە اتاپ ءوتتى.
جۇزدەسۋ كەزىندە قازاقستان پارلامەنتى جوعارعى پالاتاسىنداعى بۇۇ ورنىقتى دامۋ ماقساتتارىنىڭ تۇساۋكەسەرىنە ازىرلىك ماسەلەلەرى تالقىلاندى. ق.توقاەۆتىڭ پىكىرىنشە, الداعى شارا بۇل اۋقىمدى ەلدىك باعدارلامانى ىسكە اسىرۋ بارىسىمەن دەپۋتاتتاردى تانىستىرادى, سونداي-اق, ونىڭ ۇلتتىق زاڭنامامەن ودان ءارى ۇيلەسۋىنە ىقپال ەتەدى. توراعا قازاقستان 2030 جىلعا دەيىنگى حالىقارالىق قوعامداستىقتىڭ ورنىقتى دامۋ جونىندەگى جاڭا كۇن تارتىبىندە بەلگىلەنگەن 17 ماقساتقا قول جەتكىزۋدەگى بۇۇ-نىڭ ءوزارا بەلسەندى ءىس-قيمىلىنا سەنىم ارتادى, دەپ اتاپ ءوتتى.