قر پارلامەنتى سەناتانىڭ توراعاسى قاسىم-جومارت توقاەۆ «قازاقستان» ءسوزىن اعىلشىن تىلىندە دۇرىس جازۋ ماسەلەسىن قوزعادى, دەپ حابارلايدى egemen.kz.
«KAZAKHSTAN-نان گورى, اعىلشىن تىلىندە QAZAQSTAN ەلىمىزدىڭ ۇلتتىق نەگىزىن دۇرىس كورسەتەدى», - دەپ جازدى توقاەۆ تۆيتتەردەگى پاراقشاسىندا.
وسىعان دەيىن دە كوپتەگەن ماماندار مەملەكەت اتىنىڭ لاتىن قارىپىمەن جازىلۋى دۇرىس ەمەس ەكەندىگىن ايتقان ەدى. لينگۆيستەردىڭ ايتۋىنشا, قازاقشا "ق" ءارپى اعىلشىنشا "q" دەپ تاڭبالانادى. سايكەسىنشە, "قازاقستان" ءسوزى Qazaqstan دەپ جازىلۋى كەرەك.
وسىعان وراي "اتامەكەن" ۇلتتىق پالاتاسىنىڭ باسقارما توراعاسىنىڭ ورىنباسارى مۇرات ابەنوۆ تە ءوز پىكىرىن ءبىلدىردى: "دۇرىس توقاەۆتىكى! Əرينە Qazaqstan! تاۋەلسىزدىكتىڭ 25 جىلدىعىندا تولقۇجاتتاعى قاتەلىكتى وزگەرتە الاتىن شىعارمىز. سەبەبى قازاقشا "قازاق" بولادى. العاشقى جىلدارى اتاۋدىڭ ءوزىن ەمەس, ورىسشا نۇسقاسىن نازارعا العان عوي. ارينە, بۇدان باسقا جۇمىس قالمادى ما, اقشانى بوسقا شاشپاۋ كەرەك دەۋشىلەر دە تابىلار. ايتسا ايتا بەرسىن. ىستەۋ كەرەك. ۋاقىت وتە كەلە ءبارىن الماستىرامىز" - دەدى ول Facebook پاراقشاسىندا.