شىمكەنتتەگى «Rixos Khadisha» قوناق ءۇيىنىڭ سالتانات سارايىندا «قازاقستاندا جۇزەگە اسىرىلاتىن ەڭ ۇزدىك الەۋمەتتىك جوبالار» بايقاۋىنىڭ جەڭىمپازدارى ماراپاتتالدى. دەنساۋلىق ساقتاۋ جانە الەۋمەتتىك دامۋ مينيسترلىگىنىڭ, «مەملەكەتتىك الەۋمەتتىك ساقتاندىرۋ قورى» اق-تىڭ ۇيىمداستىرۋىمەن وتكەن شاراعا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا, وبلىس اكىمى جانسەيىت تۇيمەباەۆ, پارلامەنت دەپۋتاتتارى مەن مەملەكەتتىك ورگانداردىڭ جانە قوعامدىق بىرلەستىكتەردىڭ وكىلدەرى قاتىستى.
جيىندا ءسوز العان دەنساۋلىق ساقتاۋ جانە الەۋمەتتىك دامۋ ءمينيسترى تامارا ءدۇيسەنوۆا قازاقستاندا الەۋمەتتىك جوبالاردى جۇزەگە اسىرۋدىڭ كومەگىمەن ءومىردىڭ قيىندىقتارىنا تاپ بولعان 250 مىڭنان استام ازاماتقا, ونىڭ ءىشىندە 100 ادامعا كومەككە ءزارۋ ادامدارعا كومەك پەن قولداۋ كورسەتىلگەنىن باياندادى. بيىلعى بايقاۋدا ايماقتىق كوميسسيا 178 ءوتىنىشتى قاراپ, 32 الەۋمەتتىك جوبا بايقاۋدىڭ ىرىكتەۋ كەزەڭىنە وتكەن ەكەن. كوميسسيا مۇشەلەرى دەنساۋلىق جانە الەۋمەتتىك دامۋ ءمينيسترلىگى سايتىنداعى داۋىستاردىڭ ناتيجەسىن ساراپتاپ, ەلىمىزدىڭ بارلىق ايماقتارىندا جۇزەگە اسىرۋعا مۇمكىندىگى بار جوبالاردى انىقتادى.
ءبىرىنشى ورىن «ونلاين سۋردواۋدارما قىزمەتى» الەۋمەتتىك جوباسىنىڭ اۆتورى الماتىلىق سەرگەي ماحاشەۆكە بەرىلدى. ەكىنشى ورىندى كوكشەتاۋ قالاسىنداعى مۇمكىندىگى شەكتەۋلى ازاماتتار مەن كراسنىي يار اۋىلىندا تۇراتىن «18 جاسقا دەيىنگى مۇگەدەك-بالالارعا ۇيدە پاللياتيۆتى كومەك كورسەتۋ ورتالىعىن ۇيىمداستىرۋ» الەۋمەتتىك جوباسى يەلەندى. ءۇشىنشى ورىنعا «ادام ساۋداسىنىڭ قۇرباندارىنا ارناۋلى الەۋمەتتىك قىزمەتتەر كورسەتۋ» الەۋمەتتىك جوباسىنىڭ اۆتورى, استانالىق اننا رىل يە بولدى.
ەشكىم تاعدىرىن جاراتقاننان سۇراپ المايدى. بۇلار مۇمكىندىگى شەكتەۋلى بولعاندارىمەن, وزگەلەرمەن تەڭدەي ءومىر سۇرۋگە قۇقىلى. ەلىمىزدە جىل سايىن وسى سالاداعى ازاماتتارعا الەۋمەتتىك كومەكتەر كورسەتىلۋى جاقسى قارقىن الىپ, رۋحاني دەمەۋدىڭ جاڭا تەتىكتەرى قولعا الىنىپ كەلەدى. قازاقستان بويىنشا ءجۇزەگە اسىرىلۋعا جارايتىن الەۋمەتتىك جوبالار سونىڭ ءبىر تارماعى عانا.
شىمكەنت