قر ادىلەت ءمينيسترى مارات بەكەتاەۆ ۇكىمەتتىڭ 2017 جىلعا ارنالعان زاڭ جوبالاۋ جۇمىستارىنىڭ جوسپارى بويىنشا ەسەپ بەردى, دەپ حابارلايدى egemen.kz primeminister.kz سايتىنا سىلتەمە جاساپ.
م. بەكەتاەۆتىڭ مالىمدەۋىنشە, جوسپار جوباسى قايتا وڭدەۋدەن وتكەننەن كەيىن پارلامەنتكە 33 زاڭ جوباسى ۇسىنىلادى.
ءمينيستردىڭ ايتۋىنشا, جوسپار جوباسىن دايىنداۋدا مەملەكەت باسشىسىنىڭ, ۇكىمەت باسشىلىعىنىڭ تاپسىرمالارى, سونداي-اق زاڭ شىعارۋ جۇمىسىنىڭ 2016-2021 جىلدارعا ارنالعان تۇجىرىمدامالىق جوسپارى ەسكەرىلگەن.
"مىسالعا الار بولساق, «100 ناقتى قادام» ۇلت جوسپارىنىڭ بەس ينستيتۋتسيونالدىق رەفورماسىن جۇزەگە اسىرۋ ماقساتىندا جوعارى وقۋ ورىندارىنىڭ اكادەميالىق جانە باسقارۋشىلىق دەربەستىگىن كەڭەيتۋگە, جان باسىنا شاققانداعى قارجىلاندىرۋدى ەنگىزۋگە, بەيىندى ەمەس باسەكەلەستىك ورتادا مەملەكەتتىڭ فۋنكتسيالارى مەن ءوزىن-ءوزى باسقاراتىن ۇيىمدارعا اۋدارۋعا باعىتتالعان زاڭ جوبالارىن قۇرۋ جوسپارلانىپ وتىر», - دەدى م. بەكەتاەۆ.
جالپى العاندا, ءمينيستردىڭ مالىمەتى بويىنشا, الداعى جىلى مەملەكەتتىك ورگاندار 23 سالادا زاڭنامانى جەتىلدىرۋدى جوسپارلاپ وتىر.