تۇرىك ەتنومادەني بىرلەستىگى وقو-دا مەرەكەلىك شارا وتكىزدى

شىمكەنتتە وبلىستىق «احىسكا» تۇرىك ەتنومادەني بىرلەستىگىنىڭ ۇيىمداستىرۋىمەن «مەنىڭ قازاقستانىم - مەنىڭ جۇرەگىم!» تاقىرىبىندا مەرەكەلىك ءىس-شارا ءوتتى, دەپ حابارلايدى egemen.kz وقو اكىمدىگىنىڭ سايتىنا سىلتەمە جاساپ. ەل تاۋەلسىزدىگىنىڭ 25 جىلدىعىنا ارنالعان سالتاناتتى شاراعا وبلىس اكىمىنىڭ ورىنباسارى ۇلاسبەك سادىبەكوۆ, وبلىستىق ءماسليحات حاتشىسىنىڭ مىندەتىن اتقارۋشى ابىلقاسىم دوسبولوۆ قاتىستى. سونداي-اق, قوعامدىق كەلىسىم مەن بىرلىكتى نىعايتۋدا وبلىستىق تۇرىك ەتنومادەني بىرلەستىگىنىڭ ۇلەسى مول ەكەنى ايتىلدى. مەرەكەلىك شارادا بىرلەستىكتىڭ بەلسەندى مۇشەلەرى وبلىس اكىمىنىڭ العىس حاتىمەن, وبلىستىق ءماسليحاتتىڭ گراموتاسىمەن جانە «احىسكا» تۇرىك ەتنومادەني بىرلەستىگىنىڭ العىس حاتىمەن ماراپاتتالدى. ءبىر ايتا كەتەرلىگى, وقو-دا 70 مىڭعا جۋىق تۇرىك ەتنوسىنىڭ وكىلدەرى تۇرادى. ال 1989 جىلدان بەرى جۇمىس ىستەپ كەلە جاتقان تۇرىك ەتنومادەني بىرلەستىگىنىڭ جانىندا جەكسەنبىلىك مەكتەپ, جاستار قاناتى مەن اقساقالدار كەڭەسى قۇرىلعان.