باتىس قازاقستاندا ۇكىمەتتىك ەمەس ۇيىمداردىڭ وبلىستىق فورۋمى ءوتتى, دەپ حابارلايدى egemen.kz وبلىس اكىمدىگىنىڭ رەسمي سايتىنا سىلتەمە جاساپ.
بۇگىندە ەلىمىزدە 18 مىڭنان استام ۇەۇ تىركەلگەن. ولاردىڭ 660-ى بقو-دا ورنالاسقان. وبلىستىق بيۋدجەتتەن مەملەكەتتىك الەۋمەتتىك تاپسىرىس نەگىزىندە ولارعا 165 الەۋمەتتىك جوبالاردى جۇزەگە اسىرۋ ءۇشىن 475 ملن. تەڭگە بولىنگەن.
"ەلىمىزدە ۇەۇ-مەن بىرىگىپ جوبالاردى جۇزەگە اسىراتىن مەملەكەتتىك ورگاندار سانى ءتورت ەسەگە جۋىق ارتتى. ال وبلىسىمىزدا بۇل كورسەتكىش تومەن بولىپ تۇر. ماسەلەن, ۇەۇ-مەن بىرگە جۇمىس ىستەيتىن 200 بيۋدجەتتىك باعدارلامالار اكىمشىلەرى بولسا, سولاردىڭ ىشىنەن ءبىزدىڭ وبلىستان تەك 5 باسقارما (2,5 پايىز) بار. بۇل جۇمىستى جانداندىرۋ تۋرالى تاپسىرما ءVى ازاماتتىق فورۋمدا بەرىلگەن بولاتىن. سوعان وراي جاڭا جىلدان باستاپ وسى باسقارمالاردىڭ قاتارىنا وبلىستىق مادەنيەت, قۇجاتتاما جانە مۇراعات ءىسى, دەنە شىنىقتىرۋ جانە سپورت, ءدىن ىستەرى, ءبىلىم, كاسىپكەرلىك جانە يندۋستريالدى-يننوۆاتسيالىق دامۋ سىندى تاعى دا بەس باسقارما قوسىلۋى كەرەك,-دەدى وبلىس اكىمى التاي كولگىنوۆ.
فورۋمعا ارنايى كەلگەن «ازاماتتىق باستامالاردى قولداۋ ورتالىعى» اق-نىڭ باسقارما توراعاسى نۇرلان وتەشوۆ جاڭا قۇرىلىمنىڭ ءرولى مەن مىندەتتەرىنە, ۇەۇ-لاردى گرانتتىق قارجىلاندىرۋ جۇيەسىنە توقتالدى. ال جيىن سوڭىندا ۇەۇ-نىڭ بەلسەندى وكىلدەرى وبلىس اكىمىنىڭ العىس حاتتارىمەن ماراپاتتالدى.