قر پرەمەر-ءمينيسترى باقىتجان ساعىنتاەۆ ماسكەۋگە جۇمىس ساپارى اياسىندا رف ۇكىمەتىنىڭ توراعاسى دميتري مەدۆەدەۆپەن كەزدەسۋ وتكىزدى, دەپ حابارلايدى egemen.kz پرەمەر-ءمينيستردىڭ رەسمي سايتىنا سىلتەمە جاساپ.
كەزدەسۋ بارىسىندا تاراپتار ونەركاسىپ, ەنەرگەتيكا سالاسىنداعى, ساۋدا جانە ەكونوميكا, كولىك سەكتورىنداعى جانە باسقا دا سالالارداعى ەكىجاقتى ىنتىماقتاستىق ماسەلەلەرىن تالقىلادى.
سونداي-اق, الدا وتەتىن ەۋرازيالىق ۇكىمەتارالىق كەڭەس جانە تمد ۇكىمەت باسشىلارى كەڭەسى وتىرىستارىنىڭ ماسەلەلەرى تالقىلاندى.
ەسكە سالساق, 27-28 قازاندا مينسك قالاسىندا ەۋرازيالىق ۇكىمەتارالىق كەڭەس جانە تمد ۇكىمەت باسشىلارى كەڭەسى وتىرىستارى وتەدى. وعان قر پرەمەر-ءمينيسترى باقىتجان ساعىنتاەۆ قاتىسادى.