استانادا تۇنگى ۋاقىتتا جۇرەتىن اۆتوبۋستار 2017 جىلى پايدا بولادى, - دەپ حابارلايدى tengrinews.kz قالالىق جولاۋشىلار كولىگىنىڭ باسقارماسىنا سىلتەمە جاساپ.
ۆەدومستۆوداعىلاردىڭ مالىمەتىنشە, تۇنگى اۆتوبۋستار 2017 جىلى پايدالانۋعا بەرىلۋى مۇمكىن. سونىمەن قاتار, ولار اۆتوبۋستاردىڭ باعاسى تۇنگى ۋاقىتتا قانشا بولاتىنى ازىرشە بەلگىسىز ەكەنىن ايتىپ ءوتتى.
"تۇنگى ۋاقىتتا ادامداردى تاسىمالداۋعا قاتىستى جۇيەگە تالداۋ جۇرگىزىلىپ جاتىر. الەۋمەتتىك ساۋالناما الىنىپ, مەكەمەلەردىڭ جۇمىس كەستەسى قالاي بولاتىنى زەرتتەلىپ جاتىر. تالداۋ جۇمىستارىن اياقتاعان سوڭ, تۇندە ناقتى قانشا اۆتوبۋستىڭ جولعا شىعاتىنى, وندا قانشا جۇرگىزۋشىنىڭ جۇمىس ىستەيتىنى جانە ولاردىڭ جۇمىس كەستەسى انىقتالىپ, ناقتىلاناتىن بولادى. تۇنگى تاريفتەرگە قاتىستى ماسەلە استانا قالاسىنىڭ ماسليحاتىمەن شەشىلەدى", - دەلىنگەن جولاۋشىلار كولىگى باسقارماسىنداعىلاردىڭ رەداكتسيانىڭ ساۋالىنا بەرگەن جاۋابىندا.
ايتا كەتەيىك, وسىعان دەيىن "استانا LRT" جشس باسشىسى تالعات اردان استانادا تۇنگى ۋاقىتتا جۇرەتىن اۆتوبۋستاردىڭ 2015 جىلى پايدا بولاتىنىن ايتقان ەدى. ونىڭ ايتۋىنشا, تۇنگى اۆتوبۋستار ساعات 23.00-دەن 05.00-گە دەيىن جۇمىس ىستەۋ كەرەك.