استانادا «داۋلەت» سپورت كەشەنىندە تاەكۆوندودان قازاقستان چەمپيوناتى باستالدى.
جارىسقا 14 وبلىس پەن استانا, الماتى قالالارىنان 300-گە جۋىق سپورتشى قاتىسىپ جاتىر. ولاردىڭ اراسىندا ريو-دە-جانەيروداعى حححى جازعى وليمپياداعا قاتىسقان جانسەل دەنيز, رۋسلان جاپپاروۆ جانە اينۇر ەسبەرگەنوۆا جانە جاستار اراسىندا ازيا ويىندارىنىڭ جەڭىمپازى نۇرسۇلتان ماماەۆ تا بار.
جارىسقا قاتىسۋشى قىزدار 8 سالماقتا, ەرلەر 8 سالماق دارەجەسىندە ۇزدىكتەردى انىقتايتىن بولادى. ءتۋرنيردىڭ ماڭىزدىلىعىن بارلىق فەدەراتسيانىڭ وكىلدەرى, جاتتىقتىرۋشىلار مەن سپورتشىلار دا ايتۋدا. ويتكەنى جارىس قورىتىندىسى بويىنشا قازاقستاننىڭ ۇلتتىق تاەكۆوندو (WTF) قۇراماسى جاساقتالماق. ۇزدىك سپورتشىلاردىڭ جەتىستىكتەرىن باس باپكەر قر ۇقك تاەكۆوندو بويىنشا شەبەرى يۋ ەنگ دجين ءجىتى باقىلاۋدا.