قر پرەمەر-ءمينيسترى باقىتجان ساعىنتاەۆتىڭ توراعالىعىمەن وتكىزىلىپ جاتقان ۇكىمەت وتىرىسىندا قارجى ءمينيسترى باقىت سۇلتانوۆ باسەكەلەستىكتى دامىتۋ جانە ەكونوميكاعا قارجى تارتۋ شارالارى تۋرالى باياندادى, - دەپ حابارلايدى egemen.kz پرەمەر-ءمينيستردىڭ رەسمي سايتىنا سىلتەمە جاساپ.
ءمينيستردىڭ مالىمدەۋىنشە, مەملەكەتتىك ساتىپ الۋلار تۋرالى جاڭا زاڭنىڭ نورمالارى باسەكەلەستىكتى دامىتۋ ءۇشىن جاعدايلار تۋدىردى. قازىر ءبىر بايقاۋعا ورتا ەسەپپەن 5 قاتىسۋشىدان كەلەدى. 9 اي ىشىندە 20 مىڭ تاپسىرىس بەرۋشى مەن 90 مىڭنان استام جەتكىزۋشى تىركەلگەن.
"بيىل مەملەكەتتىك اۋديتتە باسىمدىق ادال جەتكىزۋشىلەرگە بەرىلدى.
«بيىل مەملەكەتتىك اۋديتتە باسىمدىق ادال جەتكىزۋشىلەرگە بەرىلەدى. 2016 جىلدىڭ 9 ايى ىشىندە 375 ملرد تەڭگە سوماسىنا دۇرىس جاريالانباعان مەملەكەتتىك ساتىپ الۋلار انىقتالدى – ولاردىڭ ءبارى تۇزەتىلىپ, تەپە-تەڭ قولجەتىمدى بولدى», - دەپ حابارلادى ب. سۇلتانوۆ.
مينيسترلىك باسشىلىعىنىڭ مالىمەتتەرى بويىنشا, بيىل 7 ملرد تەڭگەگە 67 نىسان جەكەشەلەندىرىلگەن. وسىلايشا, جالپى ساتۋ سانى 86,6 ملرد تەڭگەگە 324 نىساندى قۇراعان. ۆەدومستۆوعا باعىنىشتى ۇيىمداردى تۇگەندەۋ جۇمىستارى جۇرگىزىلۋدە. سونىڭ ناتيجەسىندە جەكەشەلەندىرىلەتىن كاسىپورىندار ءتىزىمى ارتادى.
«جەكەشەلەندىرۋ بويىنشا اكتسيا اياقتالۋدا, تەك ءۇشىنشى توقساندا عانا ورتاشا ايلىق اقشا سوماسى 40 ەسەگە دەرلىك ارتتى (6,3 ملرد تەڭگە بولعان بولسا, قازىر 250 ملرد تەڭگە). بيىلعى جىلدىڭ 14 قازانىنداعى مالىمەتتەر بويىنشا بارلىعى 2,7 ترلن تەڭگە, ونىڭ ىشىندە اقشا تۇرىندە 1,8 ترلن تەڭگە زاڭداستىرىلدى. نەگىزگى قارجىلىق ناتيجەلەر وسىنداي. بيۋدجەتتى ورىنداۋ بارىسىندا قابىلدانعان بارلىق شارالار ەكونوميكالىق وسىمگە قولداۋ جاسادى», - دەدى مينيستر.