بۇل تۋرالى بۇگىنگى ۇكىمەت وتىرىسىندا وسى جىلدىڭ 9 ايىنداعى اقشا, كرەديت ساياساتى مەن قارجى سەكتورى تۋرالى بايانداعان ۇلتتىق بانك باسشىسى دانيار اقىشەۆ مالىمدەدى دەپ حابارلايدى ۇكىمەت ۇيىنەن egemen.kz ءتىلشىسى.
ونىڭ ايتۋىنا قاراعاندا ىشكى ينفلياتسيانى 8 پايىزدىق دەڭگەيگە كەلتىرۋ كەرەك. «سەبەبى, بۇل بانكتىڭ ىشكى پاريتەتى. ونسىز ينۆەستيتسيالىق بەلسەندىلىكتى قالپىنا كەلتىرە المايمىز. سونىمەن قاتار ونسىز تەڭگە باعامىن تۇراقتاندىرۋ مۇمكىن ەمەس. بيىلعى جىلدىڭ قىركۇيەك ايى بويىنشا ينفلياتسيا 0,2 پايىزدى قۇرادى. ال جىل باسىنان بەرگى ينفلياتسيا دەڭگەيى 2,6 پايىزعا جەتتى», دەدى ۇلتتىق بانك باسشىسى. بۇل داعدارىسقا دەيىنگى ۋاقىتتا دا وسىنداي دەڭگەيدە بولعان. ال بيىلعى جىلعا جوسپارلانعان ماقساتتى كورسەتكىشكە الداعى ەكى-ءۇش ايدىڭ ىشىندە قول جەتكىزۋگە بولادى.
دينارا بىتىكوۆا