قازاقستان پرەزيدەنتى 24-25 قازاندا رەسمي ساپارمەن ساۋد ارابياسى كورولدىگىندە بولادى. ساپار اياسىندا كورولدىكتىڭ مەملەكەت قايراتكەرلەرىمەن جانە ىسكەر توپتار جەتەكشىلەرىمەن بىرقاتار كەزدەسۋ وتەدى دەپ جوسپارلانۋدا, دەپ حابارلادى پرەزيدەنتتىڭ ءباسپاسوز قىزمەتى.
اتاپ ايتقاندا, نۇرسۇلتان نازارباەۆ ساۋد ارابياسىنىڭ كورولى سالمان بەن ابدەل ءازيز ءال ساۋدپەن, تاق مۇراگەرى, پرەمەر-ءمينيستردىڭ ءبىرىنشى ورىنباسارى, ساۋد ارابياسىنىڭ ىشكى ىستەر ءمينيسترى مۇحاممەد بەن نايف ءال ساۋدپەن, تاق مۇراگەرىنىڭ ءىزباسارى, پرەمەر-ءمينيستردىڭ ەكىنشى ورىنباسارى, ساۋد ارابياسىنىڭ قورعانىس ءمينيسترى مۇحاممەد بەن سالمانمەن, سونداي-اق يسلام دامۋ بانكىنىڭ جاڭادان تاعايىندالعان پرەزيدەنتى باندار بەن مۋحامماد حادجارمەن كەزدەسەدى.