مەملەكەتتىڭ قولداۋىمەن سولتۇستىك قازاقستان وبلىسىندا 127 اۋىل شارۋاشىلىق كووپەراتيۆى قۇرىلدى. بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن ءباسپاسوز ءماسليxاتىندا سولتۇستىك قازاقستان وبلىسى اكىمىنىڭ ءبىرىنشى ورىنباسارى ايداربەك ساپاروۆ ءمالىم ەتتى.
«مەملەكەت باسشىسىنىڭ تاپسىرماسىن ورىنداۋ ماقساتىندا «كووپەراتسيا تۋرالى» زاڭ قابىلداندى. وبلىستا 127 اۋىل شارۋاشىلىعى كووپەراتيۆتەرى قۇرىلعان. وعان 8,6 مىڭ ادام جانە وزىندىك قوسالقى اۋىل شارۋاشىلىقتارى قوسىلىپ وتىر. شامامەن 30 مىڭ باس ءىرى-قارا بار. ءبىز بۇل جۇمىستى جالعاستىرۋدامىز. ولار ءسۇت ساتىپ الۋ پۋنكتەرىن, مال بورداقىلاۋ الاڭدارىن اشۋدا. وبلىستا بيىلعى جىلدىڭ ءبىرىنشى جارتىجىلدىعىندا 40-قا تارتا ءسۇت قابىلداۋ پۋنكتتەرى اشىلدى. بۇل ۇلكەن قولداۋ, ءبىز ولاردى سۋبسيديالاۋدى باستاپ كەتتىك. ءۇشىنشى توقساندا ءبىز جارتى ميلليارد سۋبسيديانى اۋىل شارۋاشىلىعى كووپەراتيۆتەرىنە اۋداردىق», - دەيدى اكىم ورىنباسارى.
ايتا كەتكەن ءجون, وڭىردە مال شارۋاشىلىعى قارقىنمەن دامۋدا. بۇل سالا اۋىلدىق جەرلەردە جىل بويى جۇمىسپەن قامتۋعا مۇمكىندىك بەرەدى. سوندىقتان ءبىز بۇل باعىتقا ۇلكەن ماڭىز بەرىلىپ كەلەدى. ەت جانە ەت ونىمدەرىنىڭ ەكسپورتتىق الەۋەتىن دامىتۋ باعدارلاماسى دا ءوز جەمىسىن بەرۋدە.
«2011 جىلدان بەرى الىس جانە جاقىن شەت مەملەكەتتەرىنەن 11 مىڭنان استام اسىلتۇقىمدى ءىرى-قارا اكەلىندى. ولار انگۋس, گەرەفورد, سەمەنتاۋ جانە ليمۋزين تۇقىمداس سيىرلار. 40-قا تارتا اسىلتۇقىمدى مال باسىن كوبەيتەتىن رەپرودۋكتورلار قۇرىلدى. قازىرگى ۋاقىتتا اسىلتۇقىمدى انالىق باس سيىرلار جەرگىلىكتى شارۋاشىلىقتارعا دا تاراتىلۋدا. وبلىستا 14 ءىرى ءسۇت كەشەنى جۇمىس ىستەيدىا, - دەدى ا. ساپاروۆ.
سونىمەن قاتار وڭىردە اۋىل شارۋاشىلىق ونىمدەرىن وڭدەيتىن 154 كاسىپورىن بار. وبلىستا اۋىل شارۋاشىلىق ونىمدەرىن وڭدەۋدىڭ ارنايى كارتاسى جاسالدى. ونىڭ اياسىندا جالپى سوماسى 191 ملرد تەڭگەنىڭ 62 ينۆەستيتسيالىق جوباسى جۇزەگە اسىرىلۋدا. بۇلار نەگىزىنەن ەت پەن ءسۇت وڭدەۋ, ۇن جانە ماكارون ونىمدەرىن جاساۋ, سونىمەن قاتار مايلى داقىلداردى وڭدەۋ جوبالارى. كارتاعا 9 جوبا ەنگىزىلدى.