مەملەكەت باسشىسى نۇرسۇلتان نازارباەۆ ءابۋ ءدابيدىڭ تاق مۇراگەرى, بىرىككەن اراب امىرلىكتەرى قارۋلى كۇشتەرىنىڭ جوعارعى باس قولباسشىسىنىڭ ورىنباسارى مۇحاممەد بەن زايد ءال ناھايانمەن كەزدەستى.
بۇل تۋرالى اقوردانىڭ ءباسپاسوز قىزمەتىنەن حابارلادى.
اڭگىمەلەسۋ بارىسىندا ساياسات, ساۋدا-ەكونوميكا, كولىك-ترانزيت, ينۆەستيتسيا سالالارىنداعى ەكىجاقتى ىنتىماقتاستىقتى دامىتۋ جانە ودان ءارى نىعايتۋ ماسەلەلەرى تالقىلاندى.
نۇرسۇلتان نازارباەۆ پەن مۇحاممەد بەن زايد ءال ناھايان مەملەكەتارالىق ءوزارا قارىم-قاتىناستىڭ قارقىندى دامۋى ءبىزدىڭ حالىقتارىمىزدىڭ بەرىك دوستىق بايلانىسىنىڭ كەپىلى ەكەنىن اتاپ ءوتتى.
بۇدان بولەك, تاراپتار وڭىرلىك جانە حالىقارالىق قاۋىپسىزدىكتىڭ مەيلىنشە وزەكتى ماسەلەلەرى جونىندە پىكىر الماستى.