2000
*1 قاڭتاردا ەلباسى نۇرسۇلتان نازارباەۆتىڭ قازاقستان حالقىنا جولداعان جاڭا جىلدىق كۇتتىقتاۋى «ەگەمەن قازاقستان» گازەتىندە جاريالاندى. قۇتتىقتاۋدا: «ەكى مىڭىنشى جىل ەكونوميكامىزدىڭ وركەندەۋ جىلى بولماق. بۇعان بارلىق جاعداي بار. بۇگىنگى كۇنى تاياۋ ۋاقىتتا-اق ءاربىر قازاقستاندىق ءوز داستارقانى مەن جانقالتاسى ارقىلى ەكونوميكالىق ورلەۋدىڭ جەمىسىن ايقىن سەزىنەدى دەپ نىق سەنىممەن ايتۋعا بولادى», دەپ جازىلدى.
*25 قاڭتاردا پرەزيدەنت نۇرسۇلتان نازارباەۆ ماسكەۋدە تمد مەملەكەتتەرى باسشىلارىنىڭ سامميتىنە قاتىستى. شارا شەڭبەرىندە ن.نازارباەۆ جانە وزبەكستان باسشىسى ي.كاريموۆ حالىقارالىق لاڭكەستىككە قارسى كۇرەستە كۇشتەردى بىرىكتىرۋ قاجەتتىگى, ءبىرتۇتاس ۇيلەستىرۋشى ورتالىقتىڭ قۇرىلۋى تۋرالى ۇسىنىس جاسادى.
* 9 اقپاندا ۇكىمەتتىڭ كەڭەيتىلگەن ءماجىلىسى بولدى. ماجىلىستە ءسوز سويلەگەن مەملەكەت باسشىسى نۇرسۇلتان نازارباەۆ 2000 جىلدى قولايلى جاعدايدا باستاپ وتىرعانىمىزدى اتاپ كورسەتىپ, جاڭا ۇكىمەتتىڭ نەگىزگى مىندەتتەرى رەتىندە الەۋمەتتىك احۋالدى جاقسارتۋدى, باسقارۋدىڭ تيىمدىلىگىن ارتتىرۋدى, وندىرىستىك سەكتوردى نەسيەمەن قامتاماسىز ەتۋدى, ەكونوميكانىڭ شيكىزاتتىق باعدارىن وزگەرتۋدى, ايماقتاردىڭ ۇيلەسىمسىزدىگىن ەڭسەرۋدى اتادى.
*16 اقپاندا پرەزيدەنت نۇرسۇلتان نازارباەۆقا «عاسىر ساڭلاعى» مەدالى تاپسىرىلدى. بۇل تاڭداۋ ەلىمىزدىڭ ماندايالدى قايراتكەرلەرىنەن قۇرىلعان ەرىكتى قوعامدىق كەڭەستىڭ شەشىمى بويىنشا جاسالعان.
*24 اقپاندا ەلباسى نۇرسۇلتان نازارباەۆ ۆەنا قالاسىندا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باس حاتشىسى يا.كۋبيشپەن كەزدەستى. مۇنان كەيىن ەقىۇ-نىڭ تۇراقتى كەڭەسىنىڭ كەزەكتى وتىرىسىندا ءسوز سويلەدى. ساپار كەزىندە ەلباسى اۆستريانىڭ فەدەرالدىق پرەزيدەنتى توماس كلەستيلمەن اڭگىمەلەستى.
*10 ناۋرىزدا پرەزيدەنت جارلىعىمەن الماتى وبلىسىنىڭ تالدىقورعان اۋدانى ەسكەلدى اۋدانى, باتىس قازاقستان وبلىسىنىڭ وردا اۋدانى بوكەي اۋدانى بولىپ قايتا اتالدى. بىرقاتار اۋدانداردىڭ ورىس تىلىندەگى ترانسكريپتسياسى وزگەردى, ەندى اقتوبە وبلىسىنداعى چەلكارسكي رايون – شالكارسكي رايون, گورود چەلكار – گورود شالكار, باتىس قازاقستان وبلىسىنداعى دجانىبەكسكي رايون – جانىبەكسكي رايون دەپ جازىلاتىن بولدى.
*17 ناۋرىزدا تۇركىستان قالاسىندا قازاقتىڭ ۇلى حانى ابىلايدىڭ سۇيەگى ارۋلاپ قايتا قويىلدى.
*3 ساۋىردە پرەزيدەنت نۇرسۇلتان نازارباەۆتىڭ يزرايل مەملەكەتىنە رەسمي ساپارى باستالدى. يزرايل پرەزيدەنتى ەزەر ۆەيتسمانمەن اڭگىمە بارىسىندا ەكىجاقتى قاتىناستاردىڭ ويداعىداي دامىپ كەلە جاتقانى قاناعاتتانعاندىقپەن اتاپ ءوتىلدى. ە.ۆەيتسمان ءوز كەزەگىندە نۇرسۇلتان نازارباەۆتىڭ وسى ايماقتاعى تۇراقتىلىققا جاردەمدەسىپ وتىرعان سىندارلى ساياساتىنا جوعارى باعا بەردى.
* 8-11 ءساۋىر ارالىعىندا پرەزيدەنت ن.ءا.نازارباەۆتىڭ ازەربايجانعا رەسمي ساپارى بولدى. ەلباسى ساپار اياسىندا باكۋدە وتكەن تۇركىتىلدەس مەملەكەتتەردىڭ VI سامميتىنە قاتىستى. سامميتتە سويلەگەن سوزىندە نۇرسۇلتان نازارباەۆ حالىقارالىق جاعداي مەملەكەتتەردىڭ اراسىنداعى ىنتىماقتاستىقتى بۇرىنعىدان دا تەرەڭدەتە ءتۇسۋدى تالاپ ەتەتىنىن اتاپ كورسەتتى. مەملەكەتتەر باسشىلارى سامميت سوڭىندا باكۋ دەكلاراتسياسىنا قول قويدى. بۇدان بولەك, پرەزيدەنت نۇرسۇلتان نازارباەۆ پرەزيدەنت گەيدار اليەۆپەن كەزدەستى.
*15 ساۋىردە ەلباسى نۇرسۇلتان نازارباەۆ قازاقستانعا جۇمىس ساپارىمەن كەلگەن اقش-تىڭ مەملەكەتتىك حاتشىسى مادلەن ولبرايتپەن كەزدەستى. ءاڭگىمە بارىسىندا قاۋىپسىزدىك, قارۋدى تاراتپاۋ, ەنەرگەتيكالىق سالاداعى ىنتىماقتاستىق, دەموكراتيا مەن ادام قۇقىعى, ەكونوميكالىق ىنتىماقتاستىق ماسەلەلەرى ءسوز بولدى. بۇل تۋرالى «ەگەمەن قازاقستان» گازەتىنىڭ 18 ءساۋىر كۇنگى نومىرىندە «اقش قازاقستاندى ورتالىق ازياداعى باستى ارىپتەسى سانايدى» تاقىرىبىمەن ماقالا جاريالاندى.
* 19 ساۋىردە ەلباسىنىڭ قاتىسۋىمەن قىلمىسقا جانە سىبايلاس جەمقورلىققا قارسى كۇرەس ماسەلەلەرى تالقىلانعان جيىن ءوتتى. ەرتەڭىندە, پرەزيدەنت «قىلمىسقا جانە سىبايلاس جەمقورلىققا قارسى كۇرەس جۇيەسىن جەتىلدىرۋ شارالارى تۋرالى» جارلىققا قول قويدى.
*20 ساۋىردە تاشكەنتتە قازاقستان, قىرعىزستان, تاجىكستان جانە وزبەكستان پرەزيدەنتتەرى كەزدەسىپ, تەرروريزمگە, ءدىني ەكسترەميزمگە, ەسىرتكى بيزنەسىنە, سونداي-اق, ۇيىمداسقان قىلمىسقا قارسى كۇرەس ماسەلەلەرىن تالقىلادى. پرەزيدەنت ن.ءا.نازارباەۆ پەن پرەزيدەنت ي.كاريموۆتىڭ كەزدەسۋى بارىسىندا ەكىجاقتى ساۋدا-ەكونوميكالىق بايلانىس ماسەلەلەرى تالقىلاندى. سونداي-اق, پرەزيدەنتتەر لاڭكەستىك, ساياسي جانە ءدىني ەكسترەميزم, ترانسۇلتتىق ۇيىمداسقان قىلمىس جانە دە تۇراقتىلىق پەن قاۋىپسىزدىكتىڭ باسقا دا قاۋىپتەرىمەن كۇرەسۋدە بىرلەسكەن قيمىلدار تۋرالى شارتقا قول قويدى.
* 26 ساۋىردە الماتىدا «ەۋرازيا-2000» ەكونوميكالىق ءسامميتى ءوز جۇمىسىن باستادى. ءسامميتتىڭ العاشقى كۇنىندە قازاقستان پرەزيدەنتى نۇرسۇلتان نازارباەۆ ءسوز سويلەدى. «وزگەلەردىڭ تاجىريبەسىنەن ۇيرەنىپ, ونى نەگىزگە الا وتىرىپ, ءبىز ءوزىمىزدىڭ ءتولتۋما مادەنيەتىمىزدىڭ ەرەكشەلىگىنە جاۋاپ بەرەتىن ءوز جولىمىزدى ىزدەيتىن بولامىز», دەدى ەلباسى. بۇل شاراعا الەمنىڭ 37 ەلىنەن 500-دەي ساياسي قايراتكەر, الدىڭعى قاتارلى كاسىپكەرلەر جانە حالىقارالىق ساراپشىلار قاتىستى. مەملەكەتتەر باسشىلارى ەۋرازيالىق ايماق دامۋىنىڭ ماسەلەلەرىن, ونىڭ مۇمكىندىكتەرى مەن قيىندىقتارىن, ينۆەستورلارعا تارتىمدىلىعى مەن الەمدىك ارەناداعى ءرولىن تالقىلادى.
* 10-11 مامىردا ليتۆا رەسپۋبليكاسىنىڭ پرەزيدەنتى ۆ.ادامكۋس قازاقستاندا مەملەكەتتىك ساپارمەن بولدى. ليتۆا باسشىسى پرەزيدەنت ن.ءا.نازارباەۆتىڭ قابىلداۋىندا بولدى. ەل باسشىلارىنىڭ كەلىسسوزى بارىسىندا مەملەكەتتىك ورگاندار كاسىپكەرلەردىڭ تىكەلەي قارىم-قاتىناستارىن دامىتۋعا بارىنشا قولداۋ جاساپ وتىرۋعا ءتيىس دەگەن ورتاق ۇيعارىم تياناقتالدى.
*16 مامىردا پرەزيدەنت «قازاقستان رەسپۋبليكاسىندا ناشاقورلىققا جانە ەسىرتكى بيزنەسىنە قارسى كۇرەستىڭ 2001-2005 جىلدارعا ارنالعان ستراتەگياسى تۋرالى» جارلىققا قول قويدى.
* 23 مامىردا مينسكىدە بەلارۋس, قازاقستان, قىرعىزستان, رەسەي جانە تاجىكستان مەملەكەتتەرى باسشىلارىنىڭ ءسامميتى ءوتتى. وندا كەدەن وداعىنا قاتىسۋشى مەملەكەتتەر باسشىلارى ينتەگراتسيالىق ۇردىستەردىڭ ودان ءارى دامۋىنىڭ نەگىزگى باعىتتارىن بەلگىلەدى.
* 2 ماۋسىمدا قازاقستان پرەزيدەنتى نۇرسۇلتان نازارباەۆ ءوزىنىڭ جاستىق شاعى وتكەن دنەپرودزەرجينسك قالاسىنىڭ 250 جىلدىعىنا ارنالعان مەرەكەلىك شارالارعا قاتىسۋ ءۇشىن ۋكرايناعا كەلدى. قازاقستان پرەزيدەنتى ءوزى وقىعان №22 كاسىپتىك-تەحنيكالىق ۋچيليششەدە, مەتاللۋرگ ماماندىعىنىڭ قىر-سىرىن العاش مەڭگەرگەن دنەپرودزەرجينسك مەتاللۋرگيا كومبيناتىندا بولدى.