وليمپيادا جۇلدەگەرى

وقۋشىلارعا ساباق بەردى قاراعاندىلىق بالۋان قىز, ريو-2016 وليمپياداسىنىڭ قولا جۇلدەگەرى ەلميرا سىزدىقوۆا  «Samruk-Kazyna Trust» الەۋمەتتىك جوبالاردى دامىتۋ قورى اياسىنداعى «فيزكۋلت-ۋرا!» بىرەگەي جوباسىنىڭ قاتىسۋشىسى اتاندى. جاقىندا ول وسى شارا شەڭ­بەرىندە قاراعاندىداعى №45 گيمنازيادا وقۋشى بالالارعا دەنە­شىنىقتىرۋ پانىنەن ساباق بەردى. وليمپيادا جۇلدەگەرىنىڭ ايتۋىنشا, «فيزكۋلت-ۋرا!» جوباسىنا دەيىن مەكتەپكە بارىپ, اتالعان ءپان بويىنشا بالالارعا ءدارىس بەرەم دەگەن وي ءۇش ۇيىقتاسا تۇسىنە كىرمەپتى. دەگەنمەن, ونىڭ ءبىر كەزدەرى ايەلدەر كۇرەسى بويىن­شا جاتتىقتىرۋشى بولىپ, بال­دىر­عانداردى جارتى جىلداي كۇرەس ونەرىنىڭ قىر-سىرىنا ۇيرەتكەن تاجىريبەسى بار ەكەن. – «فيزكۋلت-ۋرا!» وتە كەرەك جانە پايداسى مول جوبا, –  دەيدى ەلميرا. –  مەن ساباق بەرگەن 7-سىنىپتىڭ وقۋشىلارى قازىردىڭ وزىندە تۇلعا رەتىندە قالىپتاسىپ ۇلگەرگەن  بۋىن. ولاردىڭ بارىنەن بىردەي سپورتشى شىقپاسى بەلگىلى. دەگەنمەن, ءبىز ءۇشىن بالالاردىڭ سالاماتتى ءومىر سالتىن ۇستانىپ, دەنى ساۋ ۇرپاق بولىپ وسكەنى الدەقايدا ماڭىزدى. ءبىلىم وشاعىنداعى شا­را بارىسىندا وسكەلەڭ ۇرپاق ارا­سىندا سپورتتى ناسيحاتتاپ ءجۇر­گەن بالۋان قىز ءوزىنىڭ بولا­شاقتاعى جوس­پارلارىن دا ورتاعا سالدى. سو­نىڭ ىشىندەگى ماڭىز­دىلارىنىڭ ءبىرى – ەلميرا بالۋاننىڭ ءتورت جىل­دان كەيىن بولاتىن توكيو-2020 وليم­پياداسىنا قاتىسسام دەگەن نيەتى بار ەكەن. قايرات ءابىلدينوۆ, «ەگەمەن قازاقستان» قاراعاندى