"موانا" ءمۋلتفيلمىنىڭ قازاقشا ترەيلەرى شىقتى

ديسنەي ستۋدياسى ۇسىنعان تولىقمەتراجدى "موانا" ءمۋلتفيلمىنىڭ قازاق تىلىندەگى ترەيلەرى جارىق كوردى. ءمۋلتفيلمنىڭ تۇساۋكەسەرى 2016 جىلى 1 جەلتوقسانعا جوسپارلانعان. بۇل تۋرالى kaz.tengrinews.kz حابارلايدى. ءفيلمنىڭ سيۋجەتى بويىنشا, قيال الەمىندە ءومىر سۇرەتىن 14 جاستاعى موانا ءوزىنىڭ ويىنداعى ەرتەگى كەيىپكەرى ماۋيدى ىزدەۋ ءۇشىن مۇحيتقا ساياحاتتايدى. بۇل وقيعا شامامەن 2000 جىل بۇرىن تىنىق مۇحيتىنداعى ارالداردا بولادى.

 

ايتا كەتەيىك, ءفيلمدى دۋبلياجداۋعا تانىمال انشىلەر مەن اكتەرلەر تارتىلعان. ولاردىڭ اراسىندا ماقپال يسابەكوۆا, بۇركىت, ليديا كادەن جانە باسقا دا انشىلەر مەن اكتەرلەر بار. ال دۋبلياجدىڭ رەجيسسەرى ريتا ابىشەۆا بولسا, مۋزىكالىق ورىنداۋشىسى - كۇنىمگۇل بورامباەۆا. "موانا" - ۋولت ديسنەي ستۋدياسىندا تۇسىرىلگەن 56-شى مۋلتفيلم. بۇل ءمۋلتفيلمدى تۇسىرۋدە رەجيسسەرلەر رون كلەمەنتس پەن دجون ماسكەر جۇمىس ىستەگەن. ولار بۇدان بۇرىن "سۋ پەرىسى", "الاددين", "گەركۋلەس", "حانشا مەن باقا" مۋلتفيلمدەرىن دە تۇسىرگەن ەكەن. Disney "مواناسىنىڭ" اعىلشىن تىلىندەگى نۇسقاسىن اۋلي كراۆالحو (موانا), قاھارمان وبرازىن سومداپ جۇرگەن دۋەين دجونسون (ماۋي) دىبىستاعان. سونىمەن قاتار, دجەمەين كلەمەنت (تاماتوا), رەيچەل حاۋس (تالا), تەمۋەر مورريسون (تۋي), تانىمال ءانشى نيكول شەرزينگەر (سينا) دىبىستاۋشىلار تىزىمىنە ەنگەن.