قازاقستاندا بۇگىنگى كۇنگە دەيىن 3263,6 مىڭ توننا ارپا جينالدى, دەپ حابارلايدى قر اشم ءباسپاسوز قىزمەتى.
بۇل كورسەتكىش بىلتىرعى ونىمىمەن سالىستىرعاندا 594 مىڭ تونناعا ارتىق. ۇستىمىزدەگى جىلى ارپا 1 897,2 مىڭ گا القاپقا ەگىلدى. قازىرگى كەزدە 99,6 % القاپ ورىلدى. بيىلعى ورتاشا تۇسىمدىلىك 1 گا 17,3 تسەنتنەرگە جەتىپ وتىر. سالىستىرۋ ءۇشىن ايتار بولساق, 2015 جىلى ءتۇسىم 1 گا 13,5 تسەنتنەردەن كەلدى. سونىمەن قاتار, رەسپۋبليكا بويىنشا قاراقۇمىق جيناۋ ناۋقانى اياقتالدى. قورىتىندىلاي كەلگەندە, شارۋالار وسى ءونىم ءتۇرىنىڭ 100 مىڭ تونناسىن باستىردى. تۇسىمدىلىك 1 گا 10,1 تسەنتنەردى قۇرادى. ايتا كەتەيىك, ەلىمىزدىڭ 7 وبلىسىندا شارۋالار قاراقۇمىق ەگۋمەن اينالىسادى. نەگىزىندە رەسپۋبليكانىڭ سولتۇستىك وڭىرلەرىندە وسىرىلەدى. تاعى ءبىر ايتا كەتەرلىك جايت, قر اۋىل شارۋاشىلىعىنىڭ ءبىرىنشى ۆيتسە-ءمينيسترى ق.ايتۋعانوۆ ۇكىمەت وتىرىسىندا كەلەشەكتە ەگىس القاپتارىنىڭ قۇرىلىمىندا ايتارلىقتاي وزگەرىستەر بولاتىنىن ەسكەرتكەن ەدى. الداعى جىلدارى ەگىس القاپتارىنداعى استىق كولەمى 2 ملن گەكتارعا ازايىپ, مايلى داقىلدار ەگىسىنىڭ اۋقىمى ارتادى.