ۋاقىت جاڭا مىندەتتەر جۇكتەيدى
داۋرەن اباەۆ اقپارات جانە كوممۋنيكاتسيالار مينيسترلىگىنىڭ قۇرىلۋى كەزىندە ەلباسىنىڭ بىرقاتار مىندەت جۇكتەگەنىن, وسىعان وراي بۇگىنگە دەيىن ۇلكەن جۇمىستار اتقارىلعانىن اتاپ ءوتتى. تاۋەلسىز تاريحىمىزدىڭ شيرەك عاسىرىنىڭ مەجەسىن ەڭسەرە وتىرىپ, ءبىزدىڭ حالىق شىن ءمانىسىندە ءوزىنىڭ تۇراقتى دامۋىمەن جانە ۇلكەن جەتىستىكتەرىمەن ماقتانا الادى. تاۋەلسىزدىك جىلدارى ءبىزدىڭ پرەزيدەنتىمىزدىڭ باسشىلىعىمەن قازاقستاندىقتار وزدەرىنىڭ اۋىزبىرشىلىگى مەن كوپ ەڭبەك ەتۋىنىڭ ارقاسىندا تالاي قيىندىقتى ەڭسەردى. ءبىز ەكونوميكانىڭ ءتيىمدى مودەلىن جاسادىق, سونداي-اق, ءتيىمدى ينۆەستيتسيالىق كليماتتى قالىپتاستىردىق. وتاندىق مەديتسينا مەن ءبىلىمدى جاڭا دەڭگەيگە كوتەردىك. اقپارات جانە اقپاراتتاندىرۋ, بايلانىس سالالارىندا دا اۋقىمدى جۇمىستار اتقارىلدى, دەدى داۋرەن اباەۆ. سونىمەن قاتار, مينيستر تاۋەلسىزدىك العان ساتتەن باستاپ اقپارات, اقپاراتتاندىرۋ جəنە بايلانىس سالاسىنىڭ ينفراقۇرىلىمى ءىس ءجۇزىندە قايتادان قۇرىلعانىن, ماسەلەن, 90-شى جىلداردىڭ باسىندا قازاقستاندا تەلەكوممۋنيكاتسيا جەلىلەرىندە 12,5 مىڭ شاقىرىمنان استام تالشىقتى-وپتيكالىق كابەلدى ماگيسترال سالىنعانىن, بۇل اقپاراتتىق ماگيسترال بارلىق زاماناۋي تالاپقا ساي كەلەتىنىن ايتتى. ماسەلەن, 1999 جىلدىڭ وزىندە قالاارالىق جانە حالىقارالىق بايلانىس جەلىسى 100% ساندىق دەڭگەيگە جەتكەن. ءدۇنيەجۇزىلىك ەكونوميكالىق فورۋمنىڭ دەرەكتەرى بويىنشا قازاقستان «جەلىلىك دايىندىق» يندەكسى بويىنشا 39-شى, «ينتەرنەتتى پايدالانۋشىلار تىعىزدىعى» بويىنشا 41-ءشى, اقپاراتتىق كوممۋنيكاتسيالىق تەحنولوگيالار سالاسىنداعى زاڭنامانىڭ دامۋ دەڭگەيى بويىنشا 38-ءشى ورىنعا كوتەرىلگەن. وسىدان 11 جىل بۇرىن ەلىمىزدە العاش رەت حالىققا قىزمەت كورسەتۋ ورتالىعىن قۇرۋ تۋرالى يدەيا ايتىلعان. بۇگىندە بۇل ورتالىقتار «ءبىر تەرەزە» قاعيداتى بويىنشا 29 ميلليونعا تارتا مەملەكەتتىك قىزمەت كورسەتكەن. بۇعان قوسا, قازاقستان بۇۇ رەيتينگىندە «ەلەكتروندى ۇكىمەت» يندەكسى جونىنەن əلەم بويىنشا 33-ورىندا تۇر. جالپى العاندا, ەلىمىزدە تولىققاندى جانە باسەكەگە قابىلەتتى مەديا سالاسى قۇرىلدى. بۇگىندە ونىڭ قۇرامىندا 3 مىڭنان استام باق بار. الايدا, ۋاقىت ءبىر ورىندا تۇرمايتىنى بەلگىلى. وسىعان سايكەس, ول جاڭا مىندەتتەردى جۇكتەيتىنى انىق. بۇل مىندەتتەر مەملەكەتتى دامىتۋعا باعىتتالعان «ستراتەگيا-2050» مەن ۇلت جوسپارى سەكىلدى ماڭىزدى باعدارلامالاردا دا كورىنىس تاپقان. ال بۇل رەتتە, مەملەكەت باسشىسىنىڭ جارلىعىمەن بيىلعى جىلدىڭ مامىر ايىندا قۇرىلعان اقپارات جانە كوممۋنيكاتسيالار مينيسترلىگىنە دە بەلگىلى ءبىر دارەجەدە وتە اۋقىمدى جاۋاپكەرشىلىك جۇكتەلەتىنى ءسوزسىز. قازىرگى تاڭدا بۇل ۆەدومستۆو بارلىق ۇيىمداستىرۋشىلىق, قارجىلىق, كادرلىق ماسەلەلەردى شەشۋ ارقىلى قالىپتاسۋ كەزەڭىنەن ءساتتى ءوتىپ كەلەدى. بۇل اقپاراتتىق كەڭىستىكتى, تەلەكوممۋنيكاتسيانى, ەلەكتروندى ۇكىمەتتى دامىتۋ باعىتتارىنداعى تەتىكتەردى ءبىر مينيسترلىك اياسىنا بىرىكتىرۋدىڭ وتە دۇرىس شەشىم بولعانىن ايعاقتاي تۇسەدى.كونتەنت قالىپتاستىرۋدىڭ قوس پارامەترى
بۇل كۇنگى جيىن اياسىندا داۋرەن اباەۆ بارلىق ۇيىمداستىرۋ, قارجىلىق, كادرلىق ماسەلەلەر شەشىمىن تاۋىپ, ۆەدومستۆو قىزمەتىنىڭ ناقتى باعىتتارى ايقىندالىپ, جۇمىس جۇيەلى جولعا قويىلعانىن, قازىرگى ۋاقىتتا مينيسترلىكتە مەملەكەتتىك اقپارات ساياساتىنا قاتىستى جاڭا ادىستەردى جۇزەگە اسىرۋ جۇرگىزىلىپ جاتقانىن ايتتى. بۇل باعىتتا اقپاراتتىق جۇمىس ستراتەگياسى ازىرلەنگەن. وندا كونتەنت قالىپتاستىرۋدىڭ ەكى باستى پارامەترى بار. ول قوعامنىڭ رۋحاني تىرەگىن نىعايتۋعا, وتباسى قۇندىلىقتارىن, ءبىلىم, وتانسۇيگىشتىك جانە «ماڭگىلىك ەل» پاتريوتتىق اكتىسىندە بەلگىلەنگەن باسقا دا قۇندىلىقتاردى ىلگەرىلەتۋگە باعىتتالعان «قۇندىلىقتار كارتاسى» بولسا, ەكىنشىسى – ازاماتتارعا سالالىق باعدارلامالار تۋرالى اقپارات بەرۋگە باعىتتالعان «مەملەكەتتىك PR-ستراتەگيا». بۇل, ەڭ الدىمەن, ازاماتتارعا سالالىق باعدارلامالار تۋرالى اقپارات بەرۋگە جانە ەڭ الدىمەن, «100 ناقتى قادام» ۇلت جوسپارىنا قاتىستى. 2017 جىلدان ءبىز بىرىڭعاي رەسپۋبليكالىق جانە 16 وڭىرلىك مەديا جوسپارعا كوشۋدى جوسپارلاپ وتىرمىز. مىسال ءۇشىن ايتا كەتەيىن, قازىرگى ۋاقىتتا ءبىزدىڭ اقپاراتتىق پۋلىمىز 58 مەديا-جوسپار بويىنشا جۇمىس ىستەيدى. ولاردى جۇزەگە اسىرۋ الگوريتمى ورتالىق مەملەكەتتىك ورگاندار مەن ۇلتتىق كومپانيالاردىڭ اقپاراتتىق جۇمىستارى ەرەجەسىندە بەكىتىلەتىن بولادى, دەدى ۆەدومستۆو باسشىسى. القا وتىرىسىندا قازىرگى تاڭدا مەملەكەتتىك اقپارات قۇرالدارىن ترانسفورماتسيالاۋ قولعا الىنىپ, سونىمەن بىرگە, كادرلىق قۇرام نىعايتىلعانى ايتىلدى. ماسەلەن, قازىرگى ۋاقىتتا «Kazakh TV» مەن «ءبىلىم جانە مادەنيەت» تەلەارنالارىن «Kazakh TV» لوگوتيپى اياسىندا بىرىكتىرۋ جۇزەگە اسىرىلۋدا. تەلەارنانىڭ تۇساۋكەسەرى تاياۋ ۋاقىتتا وتەدى. سونداي-اق, «حابار 24» تەلەارناسىنىڭ تارالىم سەبەتى بارىنشا وزگەرىپ, جاڭالىقتار كونتەنتى قىسقارتىلدى جانە اقپاراتتىق-ساراپتامالىق, كوركەم باعدارلامالار ءوندىرىسى ارتتىرىلدى. ءدال وسىنداي جۇمىستار بارلىق مەملەكەتتىك تەلەارنالاردا, سونىمەن بىرگە, گازەتتەردە دە جۇرگىزىلمەك. بۇل – مەملەكەتتىك باق-تىڭ كورەرمەن مەن وقىرماننىڭ كوڭىلىنەن شىعۋى ءۇشىن جاسالاتىن قادام.ينتەرنەتتى حالىقتىڭ 73%-ى پايدالانادى
الداعى ۋاقىتتا اقپارات جانە اقپاراتتاندىرۋ ماسەلەلەرى بويىنشا زاڭناما جەتىلدىرىلمەك. بۇل رەتتە, مينيسترلىك «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىنىڭ تۇجىرىمداماسىن ازىرلەدى. بۇگىنگە دەيىن اتالعان تۇجىرىمداما جوباسى كەڭ تالقىلاۋدان وتكەن. بۇل رەتتە وڭ ءارى سىن پىكىرلەر ەسكەرىلگەن. وسىعان وراي, كەلەر جىلدىڭ ءبىرىنشى جارتىجىلدىعىنان باستاپ زاڭ جوباسىن پارلامەنتكە ەنگىزۋ ءۇشىن قۇجاتتى حالىقپەن كەڭىنەن تالقىلاۋ جونىندە تاپسىرما بەرىلدى. القا وتىرىسىندا اقپاراتتىق-تەلەكوممۋنيكاتسيالىق تەحنولوگيانى دامىتۋ مەن اقپاراتتىق قاۋىپسىزدىكتى قامتاماسىز ەتۋ جونىندەگى شارالار ىسكە اسىرىلعانى دا ايتىلدى. بۇل سالاداعى باسىم باعىتتاردىڭ ءبىرى – تۇرعىنداردى كەڭ جولاقتى ينتەرنەتپەن قامتاماسىز ەتۋ. ماسەلەن, قازىرگى تاڭدا ەلىمىزدەگى ينتەرنەتتى قولدانۋشىلار سانى 73%-عا جەتىپ, باسەكەگە قابىلەتتىلىكتىڭ جاھاندىق رەيتينگىندە 41-ورىنعا كوتەرىلدى. بۇل ناتيجە وتكەن جىلمەن سالىستىرعاندا 29 پۋنكتكە جاقسارعانىن كورسەتتى. سونداي-اق, تۇرعىندار سانى 10 مىڭنان اساتىن جəنە ودان دا كوپ اۋىلدىق ەلدى مەكەندەردە 3G ستاندارتىنىڭ ءموبيلدى بايلانىسى ەنگىزىلسە, 4G ستاندارتى تۇرعىندار سانى 50 مىڭ جəنە ودان دا كوپ ەلدى مەكەندەردە قوسىلعان. ال 2017 جىلدىڭ سوڭىنا قاراي, ەلىمىزدىڭ بارلىق اۋدان ورتالىقتارى 4G ستاندارتىمەن قامتىلماق.«OTAU TV» ەلدى تۇتاس قامتيدى
ساندىق تەڭسىزدىكتى ازايتۋ ماقساتىندا مينيسترلىك «قازاقتەلەكوم», «ترانستەلەكوممەن» بىرلەسىپ, مەملەكەت-جەكەمەنشىك ارىپتەستىگى نەگىزىندە ەلدى مەكەندەردى كەڭ جولاقتى ينتەرنەتپەن قامتاماسىز ەتۋ جوباسىن ازىرلەگەن. بۇل جۇمىستىڭ ءناتيجەسىندە 1300-گە تارتا اۋىلدىق جەرلەردە زاماناۋي بايلانىس ينفراقۇرىلىمى قۇرىلماق. بۇگىندە تەلەارنا ينفراقۇرىلىمىنىڭ قولجەتىمدىلىگىن قامتاماسىز ەتۋدە «OTAU TV» سپۋتنيكتىك حابار تاراتۋ جەلىسى دە ەل اۋماعىن 100%-عا قامتىپ, 2016 جىلعى 1 قازانداعى كورسەتكىش بويىنشا ابونەنتتەر سانى 1 ميلليون 204 مىڭعا جەتكەن. وسىعان وراي, جيىن اياسىندا اتالعان باعىت بويىنشا جوبانى ءىسكە اسىرۋ جونىندەگى جول كارتاسىن بەكىتۋ, «OTAU TV»-نىڭ باسەكەگە قابىلەتتىلىگىن جانە كورسەتىمدىلىگىن ارتتىرۋ ءجونىندە ۇسىنىستار ەنگىزۋ تاپسىرىلدى. مينيستر اقپاراتتاندىرۋ سالاسى بويىنشا رەسپۋبليكالىق بيۋدجەتكە سالماق سالماي, كۆازيمەملەكەتتىك سەكتورلار, جەكە ينۆەستورلار قارجىلاندىرۋدى كوزدەيتىن «تسيفرلىق قازاقستان» مەملەكەتتىك باعدارلاماسىنىڭ جوباسى ازىرلەنگەنىنە دە توقتالدى. بۇل قادام باسقا دا الەۋمەتتىك ماڭىزدى جوبالارعا باعىتتاۋعا بولاتىن مەملەكەت قاراجاتىن ۇنەمدەۋگە مۇمكىندىك بەرەدى. وسىعان سايكەس, «تسيفرلى قازاقستان» باعدارلاماسى شەڭبەرىندە ىسكە اسىرۋعا جوسپارلانعان جوبالار ءۇشىن ينۆەستيتسيالار تارتۋ قامتاماسىز ەتىلمەك.9 ايدا 30 ميلليوننان استام قىزمەت كورسەتىلدى
مينيسترلىك قىزمەتىنىڭ نەگىزگى باعىتتارىنىڭ ءبىرى – مەملەكەتتىك قىزمەتتەردى وڭتايلاندىرۋ مەن «ەلەكتروندى ۇكىمەتتى» دامىتۋ. بۇل سالادا دا تالاي ءىستىڭ باسى قايىرىلعان. پرەزيدەنتتىڭ تاپسىرماسىمەن 4 مەملەكەتتىك كاسىپورىندى بىرىكتىرۋ ناتيجەسىندە مەملەكەتتىك كورپوراتسيا قۇرىلدى. بۇگىنگى كۇنى مەملەكەتتىك قىزمەتتەر تىزبەسىندە 739 قىزمەت ءتۇرى بولسا, ولاردىڭ 530-ىن «ەلەكتروندى ۇكىمەت» پورتالى نەمەسە مەملەكەتتىك كورپوراتسيا ارقىلى الۋعا بولادى. سونىمەن قاتار, ازاماتتارعا ىڭعايلى بولۋى ءۇشىن 1414 بىرىڭعاي ءنومىرى ەنگىزىلگەن. وسى ارقىلى بارلىق قاجەتتى كەڭەستەردى الۋعا بولادى. 2016 جىلدىڭ 9 ايى ىشىندە 30 ميلليوننان استام ەلەكتروندى قىزمەت كورسەتىلگەن. بۇعان قوسا, 17 مىڭنان استام ەلەكتروندى ليتسەنزيا, 433 مىڭ رۇقسات قۇجاتى بەرىلدى, سونداي-اق, 854 مىڭ ادام تىركەلدى. جالپى, اتالعان شارالار مەملەكەتتىك اقپاراتتىق ساياساتتى بارلىق دەڭگەيدە ءتيىمدى جۇرگىزۋگە ءمۇمكىندىك بەرۋدە, دەدى داۋرەن اباەۆ. بۇل كۇنگى القا وتىرىسىندا اقپارات جانە كوممۋنيكاتسيالار ۆيتسە-ءمينيسترى س.سارسەنوۆ بايلانىس, اقپاراتتاندىرۋ جانە مەملەكەتتىك قىزمەتتەر كورسەتۋ سالاسىنداعى جۇمىس قورىتىندىلارى, اقپارات جانە كوممۋنيكاتسيالار ۆيتسە-ءمينيسترى ا.اجىباەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اقپارات جانە كوممۋنيكاتسيالار ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەۋ بويىنشا اتقارىلىپ جاتقان جۇمىستار تۋرالى, مينيسترلىكتىڭ اقپارات كوميتەتىنىڭ توراعاسى ن.ماۋبەرلينوۆا مەملەكەتتىك ورگانداردىڭ اقپاراتتىق ساياساتتاعى ءوزارا ءىس-قيمىلىنىڭ جاڭا تاسىلدەرى تۋرالى بايانداما جاسادى. «قازاقستان» رترك» اق باسقارماسىنىڭ توراعاسى ك.ويشىباەۆ تەلەراديوكورپوراتسيا جۇمىسىن جەتىلدىرۋ, ۆەدومستۆو جانىنداعى قوعامدىق كەڭەس مۇشەلەرى ب.جەكسەنباي مەن ن.يسين اقپارات جانە كوممۋنيكاتسيالار مينيسترلىگىنىڭ قىزمەتى تۋرالى ءوز وي-پايىمدارىمەن ءبولىستى. جيىن سوڭىندا مينيستر اقپاراتتىق كەڭىستىكتى كەڭەيتۋ, بايلانىس, تەلەكوممۋنيكاتسيا سالالارىن دامىتۋ باعىتتارىندا ءتيىستى مىندەتتەر جۇكتەدى. ءلايلا ەدىلقىزى, «ەگەمەن قازاقستان» سۋرەتتەردى تۇسىرگەن ەرلان وماروۆ, «ەگەمەن قازاقستان»