1999
* 15 قىركۇيەكتە پرەزيدەنت نۇرسۇلتان نازارباەۆ تۇڭعىش رەسمي ساپارمەن بولگارياعا باردى. بولگاريا پرەزيدەنتى پ.ستويانوۆ پەن قازاقستان باسشىسى دوستىق قارىم-قاتىناستار مەن ىنتىماقتاستىقتى ودان ءارى دامىتۋ جونىندەگى دەكلاراتسياعا قول قويدى.
* 17 قىركۇيەكتە قازاقستان پرەزيدەنتى نۇرسۇلتان نازارباەۆ رەسمي ساپارمەن ۋكرايناعا باردى. پرەزيدەنت ل.كۋچمامەن جۇرگىزىلگەن كەلىسسوزدىڭ نەگىزگى قورىتىندىسى – ەكى ەلدىڭ 2009 جىلعا دەيىنگى ىنتىماقتاستىعى تۋرالى شارتقا قول قويىلعانى بولدى.
* 23 قىركۇيەكتە ەلىمىزگە رەسەي پرەمەر-ءمينيسترى ۆ.پۋتين رەسمي ساپارمەن كەلدى. جۋرناليستەرمەن سۇحبات بارىسىندا ۆ.پۋتين «قازاقستان-رەسەي اراسىنداعى قارىم-قاتىناس جۋىردا بولعان راكەتا اپاتىنان شيەلەنىسىپ كەتكەن جوق پا؟» دەگەن ساۋالعا ناقتى جاۋاپ بەردى. «بۇل رەتتە قازاقستان جاعى وتە قارىمدى ارەكەتتەر جاساپ, وزدەرىنىڭ ۇلتتىق مۇددەلەرىن ءتاستۇيىن قورعاي ءبىلدى», – دەدى ول.
* 29 قىركۇيەكتە استانادا قازاقستان, قىرعىزستان, تاجىكستان جانە وزبەكستان مادەنيەتى مەن عىلىمى قايراتكەرلەرىنىڭ حالىقارالىق كەزدەسۋى ءوتتى. كەزدەسۋدە پرەزيدەنت ن.نازارباەۆ ءسوز سويلەدى. ەلباسى ءسوزى «ەگەمەن قازاقستان» گازەتىنىڭ 1 قازان كۇنگى نومىرىندە «جاڭا مىڭجىلدىقتا دا جۇبىمىز جازىلمايدى» تاقىرىبىمەن جارىق كوردى.
* 5 قازاندا پرەزيدەنت ن.ءا.نازارباەۆ يرانعا رەسمي ساپارمەن باردى. ەكىجاقتى كەلىسسوزدەر ناتيجەسىندە قازاقستان مەن يران اراسىنداعى ءوزارا قارىم-قاتىناس تۋرالى دەكلاراتسياعا, سونداي-اق, قازاقستان-يران ۇكىمەتارالىق 5 ماڭىزدى حاتتاماعا قول قويىلدى.
* 12 قازاندا پرەزيدەنت جارلىعىمەن قاسىم-جومارت توقاەۆ قازاقستان پرەمەر-ءمينيسترى بولىپ تاعايىندالدى.
* 26 قازاندا ماسكەۋدە كەدەن وداعىنا قاتىسۋشى ەلدەردىڭ مەملەكەتارالىق كەڭەسىنىڭ ءماجىلىسى ءوتتى. وندا كەدەن وداعى جانە ءبىرتۇتاس ەكونوميكالىق كەڭىستىك تۋرالى ماسكەۋ دەكلاراتسياسىنا قول قويىلدى. باسقوسۋدا قازاقستان پرەزيدەنتى نۇرسۇلتان نازارباەۆقا «التىن اتلانت» حالىقارالىق تەحنولوگيالىق سىيلىعى تابىس ەتىلدى.
* 29 قازاندا قازاقستانعا پولشا پرەزيدەنتى ا.كۆاسنەۆسكيدىڭ العاشقى رەسمي ساپارى بولدى. كەلىسسوز بارىسىندا ەكى ەلدىڭ ەكونوميكالىق قاتىناستارىنا بايلانىستى ماڭىزدى ماسەلەلەر قوزعالدى.
*1 قاراشادا الماتىدا ا.س.پۋشكيننىڭ 200 جىلدىعىنا وراي اقىننىڭ ەسكەرتكىشى قويىلدى. سالتاناتتى راسىمدە پرەزيدەنت نۇرسۇلتان نازارباەۆ ءسوز سويلەدى.
* 3 قاراشادا بەلارۋس پرەزيدەنتى الەكساندر لۋكاشەنكو قازاقستان استاناسىنا رەسمي ساپارمەن كەلدى. ساپار اياسىندا ەكى ەل اراسىنداعى ىنتىماقتاستىقتىڭ 1999-2008 جىلدارداعى كەزەڭگە باعدارلانعان شارتى بەكىتىلدى.
*5 قاراشادا كوكشەتاۋ قالاسىنىڭ باس الاڭىندا قازاقتىڭ ۇلى حانى ابىلاي حانعا ەسكەرتكىش اشىلدى. سالتاناتتى راسىمگە ەلباسى قاتىسىپ, ءسوز سويلەدى. بۇل تۋرالى «ەگەمەن قازاقستان» گازەتىنىڭ 6 قاراشا كۇنگى سانىندا «ابىلاي رۋحى ەلىنە قايتا ورالدى» تاقىرىبىمەن ماقالا جاريالاندى.
* 18 قاراشادا ەلباسى نۇرسۇلتان نازارباەۆ ىستانبۇلدا وتكەن ەۋروپاداعى قاۋىپسىزدىك پەن ىنتىماقتاستىق ۇيىمىنىڭ باسقوسۋىنا قاتىستى. سامميت بارىسىندا قازاقستان پرەزيدەنتى مەملەكەتتەر مەن ۇكىمەتتەر باسشىلارىمەن 26 كەزدەسۋ وتكىزدى.
*22 قاراشادا نۇرسۇلتان نازارباەۆ رەسمي ساپارمەن موڭعولياعا باردى. پرەزيدەنتتەر ن.نازارباەۆ پەن ن.باگاباندي ءوزارا بايلانىستاردى ودان ءارى دامىتۋدى, ەكى ەلدىڭ قارىم-قاتىناسىن تەڭ قۇقىلى نەگىزدە وركەندەتۋدى ماقسات ەتەتىن بىرلەسكەن مالىمدەمەنى بەكىتتى.
*23-27 قاراشا ارالىعىندا قازاقستان پرەزيدەنتى نۇرسۇلتان نازارباەۆتىڭ قىتاي حالىق رەسپۋبليكاسىنا رەسمي ساپارى ءوتتى. قحر توراعاسى تسزيان تسزەمينمەن كەلىسسوزدىڭ ناتيجەسىندە 4 قۇجاتقا قول قويىلدى.
* 1 جەلتوقساندا ەلىمىزدىڭ ەكىنشى سايلانعان قوس پالاتالى پارلامەنتى ءوز جۇمىسىن باستادى.
*6-8 جەلتوقسان ارالىعىندا پرەزيدەنت نۇرسۇلتان نازارباەۆتىڭ جاپونياعا رەسمي ساپارى بولدى. نۇرسۇلتان نازارباەۆ پەن جاپونيا پرەمەر-ءمينيسترى كەيدزو ءوبۋتيدىڭ كەلىسسوزى ناتيجەسىندە ءوزارا ستراتەگيالىق ارىپتەستىك تۋرالى بىرلەسكەن مالىمدەمەگە قول قويىلدى.
* 16 جەلتوقساندا پرەزيدەنت ن.ءا.نازارباەۆ نيۋ-يورككە ساپارى جولىندا قىسقا مەرزىمگە مادريدكە توقتادى. يسپانيا كورولى حۋان كارلوس I-مەن جانە يسپانيا ۇكىمەتىنىڭ توراعاسى ح.انسارمەن كەزدەسۋلەرى بولدى.
* 17-21 جەلتوقسان ارالىعىندا قازاقستان پرەزيدەنتى نۇرسۇلتان نازارباەۆتىڭ اقش-قا رەسمي ساپارى باستالدى. ساپار بارىسىندا نۇرسۇلتان نازارباەۆ اقش پرەزيدەنتى ب.كلينتونمەن, ۆيتسە-پرەزيدەنت ا.گورمەن, بۇۇ باس حاتشىسى ك.اننانمەن كەزدەسىپ, كوپتەگەن كۇردەلى ماسەلەلەردى تالقىلادى.
* وسى جولى نۇرسۇلتان نازارباەۆقا حالىقارالىق سايلاۋ جۇيەسى قورىنىڭ «دەموكراتيانى العا جىلجىتۋعا قوسقان اسا كورنەكتى ۇلەسى ءۇشىن» ديپلومى تابىس ەتىلدى. قور جەتەكشىسى ر.سۋدريەت بەدەلدى ناگرادانى تاپسىرۋ كەزىندە قازاقستانداعى سايلاۋ ۇدەرىسىن تاباندى تۇردە جەتىلدىرىپ وتىرۋ, رەفورمالاردى جۇزەگە اسىرۋ مەن تەرەڭدەتۋ رەسپۋبليكادا دەموكراتيانى دامىتۋعا ۇدايى ۇمتىلۋدىڭ بەلگىسى ەكەنىن اتاپ ايتتى.
*28 جەلتوقساندا پرەزيدەنت جارلىعىمەن 2000 جىل «مادەنيەتتى قولداۋ جىلى» دەپ جاريالاندى.
*29 جەلتوقساندا پرەزيدەنت نۇرسۇلتان نازارباەۆتىڭ توراعالىق ەتۋىمەن ۇكىمەت ءماجىلىسى وتكىزىلىپ, وندا 1999 جىلدىڭ الدىن الا قورىتىندىلارى قارالدى. ماجىلىستە ەكونوميكادا وڭدى وزگەرىستەر بايقالا باستاعانى, ەلدىڭ التىن قورى 2 ميلليارد دوللارعا جۋىقتاعانى, بۇل ۇلتتىق ۆاليۋتا اينالىمعا شىعارىلعالى بەرگى ەڭ ۇزدىك كورسەتكىش ەكەنى, جىلدى ەڭبەكاقى جانە زەينەتاقى قارىزدارىنسىز قورىتىندىلاۋعا قول جەتكەنى, تەڭگە باعامىنىڭ تۇراقتانا تۇسكەنى اتاپ ءوتىلدى. ەلباسى, سونداي-اق, ەندىگى جەردە استانا قۇرىلىسىن شەتەل كومپانيالارىنا بەرۋدى شەكتەۋ قاجەتتىگىن, ءوزىمىزدىڭ قۇرىلىسشىلار دا الەمدىك ۇلگىگە ساي نىساندار سالا الاتىنىن اتاپ كورسەتتى. سىبايلاس جەمقورلىقپەن كۇرەس ماسەلەسىنە دە باسا نازار اۋدارىلدى.