قازاقستان حالقى اسسامبلەياسى – پرەزيدەنتتىڭ ۇجىمدىق ارىپتەسى, حالقىمىز قۇرۋعا ۇمتىلىپ وتىرعان بولاشاعى ءبىرتۇتاس ەلدىڭ مودەلى! سوندىقتان دا اسسامبلەيا ەلدىك ءمانى بار ءىس-شارالاردىڭ ءاردايىم كوش باسىندا كەلەدى.
سولاردىڭ ءبىرى – بيىل ەلىمىز تاۋەلسىزدىگىنىڭ 25 جىلدىعىنا ارنالىپ وتكىزىلەتىن, اسسامبلەيا ەتنوجۋرناليستيكا سالاسىندا جىل سايىن ۇيىمداستىرىپ كەلە جاتقان «شاڭىراق» شىعارماشىلىق كونكۋرسى. ۋاقىت وتكەن سايىن قاناتىن كەڭگە جايىپ, مازمۇنى بايىپ, قاتىسۋشىلارى كوبەيىپ كەلە جاتقان «شاڭىراق» شىعارماشىلىق كونكۋرسىندا سوڭعى 5 جىلدىڭ وزىندە رەسپۋبليكالىق دەيگەيدەگى بۇقارالىق اقپارات قۇرالدارىنىڭ – 17, وڭىرلىك دەڭگەيدەگى بۇقارالىق اقپارات قۇرالدارىنىڭ 25 وكىلى جەڭىمپاز دەپ تانىلدى.
بۇل كونكۋرس ەلىمىزدىڭ شيرەك عاسىرلىق شەجىرەسىن قۇرايتىن جايلاردى, سونىڭ ىشىندە قوعامدىق كەلىسىم مەن جالپىۇلتتىق بىرلىكتى, قاسيەتتى قازاق جەرىن مەكەندەگەن جۇزدەن استام ەتنوستاردىڭ ءوزارا تاتۋلىعى مەن بارشا ۇلىستى ۇيىتىپ وتىرعان قازاق ەلىنىڭ ءوركەندەۋىن جازىپ-كورسەتۋگە ۇلەس قوسىپ كەلە جاتقان بەلسەندى جۋرناليستەردى ىنتالاندىرۋدى كوزدەيدى.
بيىلعى, قازاقستان رەسپۋبليكاسى تاۋەلسىزدىگىنىڭ 25 جىلدىعىنا ارنالعان «شاڭىراق» كونكۋرسىنىڭ ۇزدىكتەرىن سالتاناتتى ماراپاتتاۋ ءراسىمى 21 قازان كۇنى ساعات 15.00-دە «شابىت» ۇلتتىق ونەر ۋنيۆەرسيتەتىندە وتەدى.
«ەگەمەن-اقپارات»