اقتوبەدە قازاقستاننىڭ حالىق جازۋشىسى, مەملەكەت جانە قوعام قايراتكەرى, ەڭبەك ەرى ءابىش كەكىلباەۆتى ەسكە الۋعا ارنالعان بىرقاتار شارا ءوتتى. وعان قاتىسۋعا استانادان جانە الماتىدان ارنايى قوناقتار كەلدى. ولاردىڭ اراسىندا ءابىش كەكىلباەۆتىڭ جارى كلارا جۇماباەۆا, قىزى ساۋلەت كەكىلباەۆا, قازاقستان جازۋشىلار وداعىنىڭ باسقارما توراعاسى, اقىن نۇرلان ورازالين, قوعام قايراتكەرى زەينوللا الشىنباەۆ, اكادەميك كەنجەعالي ساعاديەۆ, جازۋشى قاجىعالي مۇحامبەتقاليەۆ,زاڭ عىلىمدارىنىڭ دوكتورى بەكەت تۇرعاراەۆ, قازاقتىڭ بەلگىلى اقىن قىزدارى ءحانبيبى ەسەنقاراەۆا,وڭايگۇل تۇرجانوۆا, اقىن وتەگەن ورالباەۆ,«ەگەمەن قازاقستان»رەسپۋبليكالىق گازەتى» اق باسقارما توراعاسى دارحان قىدىرالى بولدى.
قوناقتار الدىمەن قازاقتىڭ كورنەكتى قالامگەرى تاحاۋي احتانوۆ پەن اتاقتى اقىن قۋاندىق شاڭعىتباەۆتىڭ ەسكەرتكىشتەرىنە گۇل شوقتارىن قويدى. سودان كەيىن م. قۇسايىنوۆ اتىنداعى وبلىستىق دارىندى بالالارعا ارنالعان مەكتەپ-ينتەرناتىندا جانە نازارباەۆ زياتكەرلىك مەكتەبىندە ءابىش كەكىلباەۆقا ارنالعان قازاق ادەبيەتى جانە قازاق ءتىلى بولمەلەرىنىڭ اشىلۋىنا قاتىستى.
تۇستەن كەيىن ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىندە ءابىش كەكىلباەۆ اتىنداعى ءدارىسحانانىڭ اشىلۋ سالتاناتى ءوتتى. وعان ءابىش كەكىلباەۆتىڭ وتباسى مۇشەلەرى, مەملەكەت جانە قوعام قايراتكەرلەرى, جەرگىلىكتى اقىن-جازۋشىلار, ۋنيۆەرسيتەتتىڭ پروفەسسور-وقىتۋشىلىق قۇرامى, ستۋدەنتتەر مەن زيالى قاۋىم وكىلدەرى قاتىستى. وسى ۋنيۆەرسيتەتتىڭ فيلولوگيا فاكۋلتەتىنىڭ ستۋدەنتى 3 كۋرس ستۋدەنتى قايىرحان جۇبانيازوۆ زامانىمىزدىڭ زاڭعار تۇلعاسىنا ارناۋى جينالعان جۇرتتىڭ كوڭىلىنەن شىقتى.
[caption id="attachment_67705" align="alignnone" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]
بۇدان كەيىن وسى ۋنيۆەرسيتەتتىڭ ستۋدەنتتەر سارايىندا ءابىش كەكىلباەۆقا ارنالعان «عۇلاما تۇلعا, عيبراتتى عۇمىر» اتتى رەسپۋبليكالىق عىلىمي-پراكتيكالىق كونفەرەنتسياسى ءوتتى. وندا جازۋشىنىڭ شىعارماشىلىعى تۋرالى وسى جوعارى وقۋ ورنىنىڭ گۋمانيتارلىق زەرتتەۋلەر ورتالىعىنىڭ ديرەكتورى الپىسباي مۇساەۆ بايانداما جاسادى. قازاقستان جازۋشىلار وداعىنىڭ باسقارما توراعاسى نۇرلان ورازالين, اكادەميكتەر كەنجەعالي ساعاديەۆ, امانگەلدى ايتالى, جازۋشىنىڭ جارى كلارا جۇماباەۆا جانە باسقالارى قازاقتىڭ ءبىرتۋار تۇلعاسى تۋرالى ەستەلىكتەر ايتتى. كونفەرەنتسيا جۇمىسىن وبلىس اكىمى بەردىبەك ساپارباەنۆ قورىتىندىلاپ, ءابىش الەمىنىڭ جاستارعا ونەگە ەكەنىن جەتكىزدى. سونداي-اق, جوعارى وقۋ ورىندارى مەن كوللەدجدەر ستۋدەنتتەرى ءۇشىن ءابىش كەكىلباەۆ اتىنداعى شاكىرتاقى تاعايىندالاتىنىن اتاپ ءوتتى. زاڭعار جازۋشىنىڭ ەسكە الۋعا بايلانىستى شارالاردىڭ الدا دا جالعاسىن تاباتىنىن ايتتى.
قازاقتىڭ قارىمدى قالامگەرىن ەسكە الۋ شارالارى كەشكە تاحاۋي احتانوۆ اتىنداعى وبلىستىق دراما تەاترى ۇجىمى ساحنالاعان ءابىش كەكىلباەۆ پەن شىڭعىس ايتماتوۆتىڭ «حانشا–داريا حيكاياسى» سپەكتاكلىنىڭ تۇساۋكەسەرىمەن جالعاستى.
ساتىبالدى ءساۋىرباي, اقتوبە