وزبەكستان باسشىسى مىندەتىن ۋاقىتشا اتقارۋشى شاۆكات ميرزيەەۆتىڭ كانديداتۋراسى ەل پرەزيدەنتى سايلاۋىنا قاتىسۋ ءۇشىن ماقۇلداندى.
"وزبەكستان پرەمەر-ءمينيسترىنىڭ كانديداتۋراسى «بۇدان بۇرىن پلەنۋم ۇسىنعان پارتيامىزدىڭ اتىنان پرەزيدەنت سايلاۋىنا قاتىساتىنى ءبىراۋىزدان بەكىتىلدى", دەپ حابارلادى ربك وزبەكستان ليبەرالدى-دەموكراتيالىق پارتياسىنىڭ ء(ولدپ) وكىلىنە سىلتەمە جاساپ.
ءولدپ وكىلىنىڭ ايتۋىنشا, تاياۋ ۋاقىتتا پارتيا تىركەۋ ءۇشىن ورتالىق سايلاۋ كوميسسياسىنا كانديدات تۋرالى مالىمەتتەردى ۇسىنادى.
وزبەكستان پرەزيدەنتى يسلام كاريموۆ 2 قىركۇيەكتە 79-عا قاراعان شاعىندا ينسۋلت الىپ, قايتىس بولدى. بۇعان دەيىن پرەمەر-مينيستر قىزمەتىن اتقارعان شاۆكات ميرزيەەۆ ەل پرەزيدەنتىنىڭ ۋاقىتشا مىندەتىن اتقارۋشى بولىپ تاعايىندالدى.
قىركۇيەكتىڭ باسىندا وزبەكستان ورتالىق سايلاۋ كوميسسياسى وسى جىلدىڭ 4 جەلتوقسانىندا ەل پرەزيدەنتىنىڭ سايلاۋىن وتكىزۋ تۋرالى شەشىم قابىلدادى. كونستيتۋتسياعا سايكەس, ەگەر پرەزيدەنت ءوز مىندەتتەرىن ورىنداي الماعان جاعدايدا, جاڭا سايلاۋ ءۇش اي ىشىندە ءوتۋى ءتيىس. پرەزيدەنت مىندەتىن زاڭ بويىنشا سەنات توراعاسى ورىنداۋى قاجەت. قازىر وزبەكستاندا بۇل لاۋازىمدا نيگماتۋللا يۋلداشەۆ وتىر. بۇدان بۇرىن «ريا نوۆوستي» حابارلاعانداي, ول پرەزيدەنت مىندەتىن اتقارۋدان وزدىگىنەن باس تارتتى.