2016 جىلدىڭ سوڭىنان باستاپ «ازاماتتارعا ارنالعان ۇكىمەت» ۇسىناتىن مەملەكەتتىك قىزمەتتەر سانىن 792-گە دەيىن ارتتىرادى. بۇل تۋرالى مالىمەت قازاقستان رەسپۋبليكاسىنىڭ پرەمەر-ءمينيسترىنىڭ رەسمي سايتىندا جاريالاندى.
قر اقپارات جانە كوممۋنيكاتسيالار ءمينيسترى داۋرەن اباەۆ ۆەدومستۆونىڭ جاۋاپتى دەپارتامەنتىنە 2016 جىلدىڭ سوڭىنا دەيىن «ازاماتتارعا ارنالعان ۇكىمەت» كورپوراتسياسى ارقىلى مەملەكەتتىك قىزمەتتى ەلەكتروندىق تۇردە كورسەتۋ 60%-دان كەم بولماۋى كەرەكتىگىن جانە جاڭا 53 مەملەكەتتىك قىزمەتتى ينتەراتسيالانعان جۇيەگە قوسۋدى اياقتاۋدى تاپسىردى.
«قازىرگى تاڭدا بىزدە مەملەكەتتىك قىزمەتتى الۋدىڭ 3 نەگىزگى ارناسى بار: «ەلەكتروندى ۇكىمەت» پورتالى; «ازاماتتارعا ارنالعان ۇكىمەت» مەملەكەتتىك كورپوراتسياسى; مەملەكەتتىك قىزمەت كورسەتۋ سۇراقتارى بويىنشا بىرىڭعاي بايلانىس ورتالىعى. 2016 جىلدىڭ 9 ايىندا 30 ملن-نان استام ەلەكتروندىق قىزمەت كورسەتىلدى, 17,4 مىڭ ەلەكتروندىق ليتسەنزيا, 433,5 مىڭ رۇقسات قۇجاتى بەرىلىپ, 800 مىڭنان استام ادام تىركەلدى», - دەدى د. اباەۆ مينيسترلىكتىڭ 9 ايدىڭ جۇمىسىن قورىتىندىلاۋعا ارنالعان القا وتىرىسىندا. مينيستر ايتىپ وتكەندەي, مەملەكەت باسشىسىنىڭ تاپسىرماسىمەن حقكو, جىلجىمايتىن م ۇلىك ورتالىعى, زەينەتاقى تولەۋ جونىندەگى مەملەكەتتىك ورتالىق, جەر كاداسترىنىڭ عىلىمي-وندىرىستىك ورتالىعى سەكىلدى 4 مەملەكەتتىك كاسىپورىندى بىرىكتىرۋ ارقىلى «ازاماتتارعا ارنالعان ۇكىمەت» مەملەكەتتىك كورپوراتسياسى قۇرىلدى. «اعىمداعى جىلدىڭ 1 قازانىنداعى جاعداي بويىنشا مەملەكەتتىك كورپوراتسيا 29 ملن-نان استام قىزمەت كورسەتكەن. بۇگىندە مەملەكەتتىك قىزمەت تىزىلىمىندە 739 مەملەكەتتىك قىزمەت ءتۇرى بار, ونىڭ 530-ىن ەلەكتروندى ۇكىمەت پورتالى جانە مەملەكەتتىك كورپوراتسيا ارقىلى الۋعا بولادى. ازاماتتارعا ىڭعايلى بولۋى ءۇشىن مەملەكەتتىك قىزمەت الۋعا قاتىستى قاجەتتى قۇجاتتار مەن ولار بەرگەن ءوتىنىشتىڭ قاي ساتىدا تۇرعانى سەكىلدى ءتيىستى كەڭەستەردى الۋعا بولاتىن 1414 بىرىڭعاي ءنومىرى ەنگىزىلدى», - دەدى ۆەدومستۆو باسشىسى. سونىمەن قاتار, مينيستر جەمقورلىق قاۋىپتەرى تۋرالى دا ايتىپ ءوتتى. ول مىسال رەتىندە پەتروپاۆلداعى مەملەكەتتىك كورپوراتسيا قىزمەتكەرىنىڭ جەمقورلىق بويىنشا ۇستالعانىن ايتتى. «وسىنداي دەرەكتەر بارلىعىمىزعا دا قاتىستى دەپ ەسەپتەيمىن. سوندىقتان بولاشاقتا وسىنداي فاكتىلەردىڭ قايتالانباۋى ءۇشىن شارالاردى كۇشەيتۋدى تاپسىرامىن. بارلىقتارىڭىزعا جەكە جاۋاپكەرشىلىك ارتتىرىلادى. مينيسترلىكتىڭ مەملەكەتتىك قىزمەتتى دامىتۋ دەپارتامەنتى مەملەكەتتىك كورپوراتسيامەن بىرىگىپ 2016 جىلدىڭ سوڭىنا دەيىن مەملەكەتتىك قىزمەتتى مەملەكەتتىك كورپوراتسيا ارقىلى ەلەكتروندىق تۇردە كورسەتۋدى 60 پايىزدان كەم ەتپەي, جاڭا 53 مەملەكەتتىك قىزمەتتى ينتەراتسيالانعان جۇيەگە قوسۋدى اياقتاۋى كەرەك», - دەپ تاپسىرما بەردى د. اباەۆ.