قر اقپارات جانە كوممۋنيكاتسيالار مينيسترلىگى «KazSat-4» جەرسەرىگىن ۇشىرۋ ماسەلەسىن قاراستىرۋدا, دەپ حابارلايدى "ەگەمەن-اقپارات" قازاقپاراتقا سىلتەمە جاساپ.
قر اقپارات جانە كوممۋنيكاتسيالار مينيسترلىگىنىڭ القا ماجىلىسىندە اتالعان ۆەدومستۆونىڭ ۆيتسە-ءمينيسترى ساكەن سارسەنوۆ تەلەكوممۋنيكاتسيا سالاسىن دامىتۋ جايىنا كەڭىنەن ءسوز قوزعادى.
«ءبىز قالالىق جەردەگى ينفراقۇرىلىم بويىنشا بارلىق ماسەلەنى شەشتىك, ال اۋىلدىق جەردە «ءوسىرۋ» قاجەتتىگى بار. جەلىلىك دايىندىق بويىنشا ءبىز الەمدە 39-شى ورىندامىز. ەلىمىزدىڭ وتە ۇلكەندىگىن, ال حالقىمىزدىڭ از ەكەندىگىن ەسكەرەر بولساق, بۇل وتە جاقسى كورسەتكىش. وسى رەتتە, بۇل سالاعا ينۆەستيتسيالىق شىعىنداردىڭ جوعارى ءارى تاۋەكەلدى ەكەندىگىن تۇسىنگەن ءجون. بىراق, وعان قاراماستان بايلانىس سالاسى قارقىندى دامۋ ۇستىندە», - دەدى ول.
ونىڭ ايتۋىنشا, اۋىلدىق ەلدى مەكەندەردى ينتەرنەت جەلىسىنە كەڭجولاقتى قولجەتىمدىلىكپەن قامتاماسىز ەتۋ جوباسى اتالعان قىزمەتتەرمەن قوسىمشا 2,1 ملن قازاقستاندىقتى قامتۋعا مۇمكىندىك بەرەدى. دەگەنمەن, ونى جۇزەگە اسىرۋ اياقتالعاننان كەيىن دە شامامەن 900 مىڭ قازاقستاندىق جوعارى جىلدامدىقتى ينتەرنەتكە قول جەتكىزە المايدى.
«بىراق,بۇل ماسەلەنى ءبىز بالاما تەحنولوگيالارمەن شەشەتىن شىعارمىز. «قازاقتەلەكوممەن» جانە باسقا دا وپەراتورلارمەن بىرلەسىپ بۇل ماسەلەنى تالقىلاۋدامىز. الايدا, بۇعان قوسا, ك دياپازونىندا «KazSat-4» جەرسەرىگىن ۇشىرۋ تۋرالى ماسەلەنى كوتەرۋ قاجەت شىعار. مەنىڭشە, 2017 جىلدىڭ ءبىرىنشى جارتىجىلدىعىندا ءبىز رۇقسات بەرەتىن بولامىز», - دەدى ۆيتسە-مينستر.