ەەك كەڭەسىنىڭ جۇمىسى اياسىندا قر پرەمەر-ءمينيسترىنىڭ ءبىرىنشى ورىنباسارى اسقار مامين ماسكەۋدە رف ۇكىمەتى توراعاسىنىڭ ورىنباسارى دميتري روگوزينمەن كەزدەسۋ وتكىزدى دەپ حابارلايدى پرەمەر-ءمينيستردىڭ رەسمي سايتى.
تاراپتار ەكى ەل اراسىنداعى عارىشتىق جانە اسكەري-تەحنيكالىق سالالارداعى ىنتىماقتاستىقتىڭ دامۋ كەلەشەگى مەن قازىرگى جاعدايىن قاراستىردى.
بۇدان وزگە, «بايقوڭىر» كەشەنىندەگى ءارى قارايعى ىنتىماقتاستىق جونىندەگى قول قويۋعا ازىرلەنىپ جاتقان قۇجاتتار بويىنشا ناقتى سۇراقتار تالقىلاندى: «بايقوڭىر» كەشەنىندەگى ىنتىماقتاستىقتى جالعاستىرۋ تۇجىرىمداماسىن دايىنداۋ تۋرالى, بايقوڭىر قالاسىنىڭ ستاتۋسى تۋرالى مەملەكەتارالىق كەلىسىمگە وزگەرىستەر ەنگىزۋ تۋرالى جانە ت.ب.
كەلىسسوزدەر قورىتىندىسى بويىنشا تاراپتار ەكى ەل اراسىنداعى ەكىجاقتى قارىم-قاتىناستارداعى بارلىق سپەكتر بويىنشا ىنتىماقتاستىقتى ءارى قاراي نىعايتۋدىڭ قاجەتتىگى تۋرالى نيەتتەرىن ءبىلدىردى.