كۇن تارتىبىندە – كوكەيكەستى ماسەلە

سەناتتا حالىقارالىق قاتىناستار, قورعانىس جانە قاۋىپسىزدىك كوميتەتىنىڭ باسشىسى داريعا نازارباەۆانىڭ تورايىمدىق ەتۋىمەن بولعان كەزدەسۋدە ەكسترەميزم مەن تەرروريزمگە قارسى ءىس-قيمىل ماسەلەلەرى تالقىلاندى, دەپ حابارلادى وسى پالاتانىڭ ءباسپاسوز قىزمەتى. ۇقك انتيتەرروريستىك ورتالىق شتابى باستىعىنىڭ ءبىرىنشى ورىن­باسارى سەرگەي شۆەيكين پارلا­مەنتشىلەرگە ءدىني ەكسترەميزم مەن تەرروريزمگە قارسى ءىس-قي­مىل جونىندەگى 2013-2017 جىل­دارعا ارنالعان مەملەكەتتىك باع­- دار­لامانى ىسكە اسىرۋ بارىسى تۋرا­لى اقپاراتپەن تانىستىردى. ۇلتتىق قاۋىپسىزدىك كوميتەتى تورا­عا­سىنىڭ ورىنباسارى مارات قال­قا­باەۆ, ءماجىلىس دەپۋتاتتارى ماۋ­لەن اشىم­باەۆ پەن جانات جارا­سوۆ شاراعا قاتىسۋشىلاردى زاڭناماعا ەكسترەميزم مەن تەرروريزمگە قارسى ءىس-قيمىل ماسە­لەلەرى جو­نىندەگى وزگەرىستەر مەن تولىق­­تىرۋ­لار ەنگىزۋ تۋرالى زاڭ جوبا­سى­­نىڭ تۇ­جى­­رىم­داماسىمەن جانە زاڭ شى­عارۋ جۇمىس­تارى بارىسىندا قۇجاتقا ەنگىزىل­گەن نەگىزگى تولىقتىرۋلاردى تانىستىردى. تالقىلاۋعا سەناتورلار نۇرتاي ابى­­قاەۆ, بىرعانىم ءايتىموۆا, ءلاز­زات قيى­نوۆ, سەرىك جاقسىبەكوۆ, مەم­­­لە­كەتتىك ور­گان­داردىڭ وكىلدەرى, ساراپشىلار قاتىستى.