«استانا» حالىقارالىق قارجى ورتالىعى (احقو) TheCityUK, قازاقستاننىڭ ۇلىبريتانياداعى ەلشىلىگى, انگليا مەن ۋەلستىڭ القا ەسەپشىلەرى ينستيتۋتىمەن (ICAEW) بىرلەسىپ لوندوندا ينۆەستورلار كۇنىن وتكىزدى.
ىسكەر قاۋىم مەن بيزنەس قاۋىمداستىق وكىلدەرى الدىندا قازاقستاننىڭ ۇلىبريتانيا مەن سولتۇستىك يرلانديا كورولدىگىندەگى ەلشىسى ەرجان قازىحانوۆ, ICAEW اتقارۋشى ديرەكتورى روبەرت حودكينسون, The City UK ەۋرازيا ەلدەرى بويىنشا باسشىسى ستيۆ بورن جانە احقو باسقارۋشىسى قايرات كەلىمبەتوۆ سويلەدى.
ەلشى قازىحانوۆ جينالعانداردىڭ نازارىن قازاقستاندا جاعىمدى ينۆەستيتسيالىق جاعداي جاساۋعا مۇمكىندىك بەرەتىن ەكونوميكالىق وسىمگە اۋداردى. ونىڭ ايتۋىنشا, بۇل باعىت بويىنشا احقو ماڭىزدى ءرول اتقارادى, ويتكەنى, بۇل الەمدىك تالاپتارعا ساي كەلەتىن جەتەكشى قارجىلىق ورتالىق بولماق.
The City UK ەۋرازيا ەلدەرى بويىنشا باسشىسى ستيۆ بورن The City UK مەن ەۋروپالىق قايتا قۇرۋ جانە دامۋ بانكى احقو-مەن قول قويىلعان ىنتىماقتاستىق مەموراندۋمى اياسىندا جاڭا قارجىلىق ورتالىقتىڭ دامۋىنا كومەكتەسۋ بويىنشا جۇمىس ىستەيدى. ۇلىبريتانيادا ورنالاسقان قارجىلىق جانە سوعان قاتىستى كاسىبي قىزمەتتەردىڭ يندۋسترياسى بۇل باستامانى قولدايدى جانە بۇل جوبانىڭ جاعىمدى ينۆەستيتسيالىق كليمات قۇرۋىنا ءارى حالىقارالىق بيزنەس تالاپتارىنا ينتەگراتسيالانۋىنا ىقپال ەتەدى دەپ ەسەپتەيدى. احقو قۇرۋ قازاقستاننىڭ بيزنەس ءۇشىن اشىقتىعىن جانە احقو قۇرىلىمدالاتىن مىقتى ءنورماتيۆتى-قۇقىقتىق بازاعا تىكەلەي شەتەلدىك ينۆەستيتسيانى تارتۋعا دايىن ەكەندىگىن بىلدىرەدى.
ICAEW اتقارۋشى ديرەكتورى روبەرت حودكينسوننىڭ ايتۋىنشا, احقو-نىڭ قۇرىلۋىمەن ايماقتىڭ ينۆەستورلارعا دەگەن تارتىمدىلىعى ونان ءارى ارتا تۇسپەك, سەبەبى, بۇل ورتالىق اعىلشىن قۇقىعى مەن تالاپتارى, ونىڭ ىشىندە قارجىلىق ەسەپتىلىك تالاپتارىنا ساي جۇمىس ىستەمەك, بۇل دەگەنىڭىز, حالىقارالىق تالاپتارعا ساي كەلۋ.
بريتاندىق ينۆەستورلارعا احقو باسقارۋشىسى قايرات كەلىمبەتوۆ قارجىلىق ورتالىقتىڭ ستراتەگيالىق باعىتتارى تۋرالى ايتىپ بەردى. احقو قازاقستان ەكونوميكاسىن ارتاراپتاندىرۋعا ارنالعان قۇرىلىمدىق رەفورمالاردىڭ ءبىر بولىگى, ەلدە الەمدىك دەڭگەيدەگى قارجىلىق ورتالىق رەتىندە ءتيىمدى جۇمىس ىستەۋ ءۇشىن بارلىق جاعداي جاسالىنعان. ونىڭ ۇستىنە, «سامۇرىق-قازىنا» ۇاق ۇلتتىق كومپانيالارىنىڭ جەكەشەلەندىرۋ پروتسەسى احقو بيرجاسىندا وتەدى.
كەلىمبەتوۆ, سونىمەن قاتار, قىتايدىڭ «جىبەك جولى ەكونوميكالىق بەلدەۋى» سىندى باستاماسى قازاقستاندىق دامۋ باعدارلامالارىمەن تىعىز بايلانىستى, سوندىقتان احقو-نىڭ وسى باعدارلامانىڭ قارجىلىق حابى رەتىندەگى الەۋەتى وتە جوعارى دەيدى.
ينۆەستوردار كۇنىنە قاتىسۋشىلاردى احقو باسىم باعىتتارى, ستراتەگيالىق سەرىكتەسپەن بىرگە بيرجانى قۇرۋ ماسەلەلەرى, سوت, اربيتراجدىق ورتالىق تۋرالى ساۋالدار قىزىقتىردى. احقو باسقارۋشىسى مەن وكىلدەرى بريتاندىق كاسىپكەرلەردىڭ كوپتەگەن ساۋالدارىنا ناقتى جاۋاپتارىن بەردى.