تولەبي اۋدانى لەنگەر قالاسى 1-شاعىناۋدانىندا «وڭىرلەردى دامىتۋ -2020» مەملەكەتتىك باعدارلاماسى اياسىندا, كوپقاباتتى 8 تۇرعىن ءۇي قۇرىلىسى باستالدى, دەپ حابارلايدى قازاقپارات وقو اكىمدىگىنىڭ ءباسپاسوز قىزمەتىنە سىلتەمە جاساپ.
عيماراتتارعا جەر قازۋ جۇمىستارى باستالعالى اۋدان باسشىسى بۇحارباي پارمانوۆ يگى ءىستىڭ باسى-قاسىندا بولىپ, جۇمىستاردىڭ ساپالى بولۋىن ءجىتى باقىلاۋدا.
لەنگەر قالاسىنان بوي كوتەرىپ جاتقان بەس قاباتتى 8 ءۇيدىڭ ءاربىرى 60 پاتەردەن تۇرادى. بۇگىنگە دەيىن اتالعان باسپانالاردىڭ مەردىگەرلەرى مەن ينجينيرينگتىك قىزمەت كورسەتۋشى مەكەمەلەرى انىقتالىپ, كەلىسىم-شارت جاساۋ جۇمىستارى جۇرگىزىلدى. قازىرگى تاڭدا, نىساندار قۇرىلىسىن باستاۋ ءۇشىن وبلىستىق مەملەكەتتىك ساۋلەت-قۇرىلىس باقىلاۋ باسقارماسىنان رۇقسات قاعاز الىندى.
ايتا كەتەيىك, كوپقاباتتى تۇرعىن ۇيلەردىڭ قۇرىلىسى 2017 جىلى اياقتالىپ, قىركۇيەك ايىنا قاراي پايدالانۋعا بەرىلەدى دەپ كۇتىلۋدە.