13 قازان كۇنى رەسپۋبليكانىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى جاۋىن-شاشىن بولادى, كۇندىز وڭتۇستىكتە جانە وڭتۇستىك-شىعىستا كەي جەرلەردە قاتتى جاۋىن-شاشىن كۇتىلەدى, تەك باتىستا جاۋىن-شاشىنسىز اۋا-رايى ساقتالادى.
كەي جەرلەردە تۇمان, كوكتايعاق بولادى, جەلدىڭ ەكىپىن 15-20 م/س-تى قۇرايدى, دەپ حابارلايدى ەگەمەن-اقپارات «قازگيدرومەتكە» سىلتەمە جاساپ.
ماسەلەن, الماتى, وڭتۇستىك-قازاقستان وبلىستارىنىڭ كەي جەرلەرىندە جەل 15-20 م/س كۇشەيەدى.
اقمولا, قوستاناي, سولتۇستىك قازاقستان, پاۆلودار وبلىستارىنىڭ كەي جەرلەرىندە تۇمان, كوكتايعاق كۇتىلەدى.
قاراعاندى, شىعىس قازاقستان وبلىستارىنىڭ جەكەلەگەن ايماقتارىندا تۇمان, كوكتايعاق كۇتىلەدى, جەل 15-20 م/س كۇشەيەدى.
جامبىل وبلىسىندا كەي جەرلەرىندە تۇمان بولادى, جەلدىڭ جىلدامدىعى 16-21 م/س بولادى.