الماتىدا پوليتسيا قىزمەتكەرلەرىنە شابۋىل جاساعان رۋسلان كۇلەكباەۆ پەن ونىڭ 5 سىبايلاسى سوتقا جىبەرىلدى, دەپ حابارلايدى ەگەمەن-اقپارات الماتى قالاسى پروكۋراتۋراسىنىڭ سايتىنا سىلتەمە جاساپ.
قالا پروكۋراتۋراسىنىڭ مالىمەتتەرىنە قاراعاندا, قر باس پروكۋراتۋراسى ۆەدومستۆوارالىق تەرگەۋ توبى ارنايى پروكۋروردىڭ باسشىلىعىمەن الماتىدا 2016 جىلدىڭ 18-شىلدەسى كۇنى بولعان تەررورلىق اكتىگە بايلانىستى قىلمىستىق ءىس بويىنشا سوت الدىنداعى تەرگەۋ جۇمىستارىن اياقتادى.
تەرگەۋ امالدارى باستالعان العاشقى كۇننەن باستاپ-اق قالا پروكۋرورى قاداعالاۋ جۇمىستارىنىڭ ءتيىمدى بولۋى ءۇشىن پروتسەسسۋالدى پروكۋرورلار توبىن قۇردى. ولار تەرگەۋ جۇمىستارىنىڭ بارىنشا قىسقا مەرزىمدە اياقتالۋىنا ىقپال ەتتى.
تەرگەۋ توبى 57 سوت ساراپتاماسى مەن زەرتتەۋلەر جۇرگىزدى جانە بولعان وقيعانىڭ بارلىق جايتتەرىن انىقتاۋ ماقساتىندا 200-دەن استام كۋاگەرلەر مەن وقيعانى كورگەن ادامداردى تەرگەدى.
2016 جىلدىڭ 12 قازانىندا 60 تومنان تۇراتىن قىلمىستىق ءىستىڭ ماتەريالدارىن زەرتتەۋ ناتيجەسى بويىنشا, سوتقا كۇلەكباەۆ پەن وزگە دە ازاماتتار جىبەرىلدى.
ر.كۇلەكباەۆقا ناتيجەسى 8 قۇقىق قورعاۋ جانە ارنايى ورگانداردىڭ قىزمەتكەرلەرىنىڭ جانە 2 بەيبىت تۇرعىننىڭ ولىمىنە الىپ كەلگەن تەررورلىق اكت جاسادى دەگەن ايىپ تاعىلدى. سونىمەن قاتار ول 3 بەيبىت تۇرعىندى ولتىرمەك بولدى دەپ ايىپتالىپ وتىر.
ر.كۇلەكباەۆپەن بىرگە سوتقا اتىس قارۋىن زاڭسىز ساقتاپ, وزىمەن بىرگە الىپ ءجۇرىپ, ر.كۇلەكباەۆپەن بىرلەسىپ م. اتتى كاسىپكەردىڭ ۇيىنە قاراقشىلىق شابۋىل ۇيىمداستىرعان ر.ليۋ, ج.ساپاربەكوۆ, د.اسەمبەك ۇلى, ە.قۇسايىنوۆ, ن.ءابدىمومىن دا سوتقا بەرىلدى.
قىلمىستىق ءىس الماتى قالاسىنىڭ قىلمىستىق ىستەر جونىندەگى ارنايى مامانداندىرىلعان اۋدانارالىق سوتىنا جولداندى.