2015 جىلعى 22 مامىر, استانا قالاسى
دونورلىق فۋنكتسيانى وتەۋسىز جانە اقىلى نەگىزدە جۇزەگە اسىرعانى ءۇشىن دونورلارعا اقى تولەۋ مولشەرىن جانە دونورلىق فۋنكتسيانى اقىلى نەگىزدە جۇزەگە اسىراتىن دونورلارعا اقى تولەۋدى جۇزەگە اسىرۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» 2009 جىلعى 18 قىركۇيەكتەگى قازاقستان رەسپۋبليكاسىنىڭ كودەكسىنىڭ 167-بابىنىڭ 7 جانە 8-تارماقتارىنا سايكەس بۇيىرامىن:
1. مىنالار:
1) وسى بۇيرىققا 1-قوسىمشاعا سايكەس دونورلىق فۋنكتسيانى وتەۋسىز جانە اقىلى نەگىزدە جۇزەگە اسىرعانى ءۇشىن دونورلارعا اقى تولەۋ مولشەرلەرى;
2) وسى بۇيرىققا 2-قوسىمشاعا سايكەس دونورلىق فۋنكتسيانى اقىلى نەگىزدە جۇزەگە اسىراتىن دونورلارعا اقى تولەۋدى جۇزەگە اسىرۋ قاعيدالارى بەكىتىلسىن.
2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (گ.ۋ.قۇلقاەۆا):
1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى;
2) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەگەننەن كەيىن كۇنتىزبەلىك ون كۇننىڭ ىشىندە ونى مەرزىمدى ءباسپاسوز باسىلىمدارىندا جانە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا جىبەرۋدى;
3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ا.ۆ. تسويعا جۇكتەلسىن.
4. وسى بۇيرىق ونى العاشقى رەسمي جاريالاعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ دەنساۋلىق ساقتاۋ جانە
الەۋمەتتىك دامۋ ءمينيسترى ت.دۇيسەنوۆا
«كەلىسىلدى»
قازاقستان رەسپۋبليكاسىنىڭ قارجى ءمينيسترىنىڭ م.ا.
ا.تەڭگەباەۆ__________________
2015 جىلعى «___»__________
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 22 مامىرداعى №374 بۇيرىعىنا 1-قوسىمشا
دونورلىق فۋنكتسيانى وتەۋسىز جانە اقىلى نەگىزدە
جۇزەگە اسىرعانى ءۇشىن دونورلارعا اقى تولەۋ مولشەرلەرى
1. دونورلىق فۋنكتسيانى اقىلى نەگىزدە جۇزەگە اسىرعان دونورعا اقى تولەۋ مىناداي مولشەردە ء(تيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەلگىلەنگەن ايلىق ەسەپتىك كورسەتكىشتەر) جۇرگىزىلەدى:
1) ءبىر رەتتىك قان دوناتسياسى ءۇشىن (450 ميلليليتر + 10 %) - 2 ايلىق ەسەپتىك كورسەتكىش;
2) ەكى رەتتىك پلازمافەرەز كەزىندە ءبىر رەتتىك پلازما دوناتسياسى ءۇشىن (550 + 50 ميلليليتر پلازما) - 4 ايلىق ەسەپتىك كورسەتكىش;
3) ەكى رەتتىك پلازمافەرەز كەزىندە ميلليليتردە 6 حالىقارالىق بىرلىكتەن كەم ەمەس انتيدەنە ءتيترى بار يممۋندىق پلازمانىڭ ءبىر رەتتىك دوناتسياسى ءۇشىن (550+ 50 ميلليليتر يممۋندىق پلازما) - 7 ايلىق ەسەپتىك كورسەتكىش;
4) ەكى رەتتىك پلازمافەرەز كەزىندە 1 : 64-تەن تومەن ەمەس رەزۋس انتيدەنە تيترىمەن يزويممۋندىق پلازمانىڭ ءبىر رەتتىك دوناتسياسى ءۇشىن (550 + 50 ميلليليتر يزويممۋندىق پلازما) - 8 ايلىق ەسەپتىك كورسەتكىش;
5) اپپاراتتىق تسيتافەرەز كەزىندە ترومبوتسيتتەردىڭ ءبىر دوزاسىنىڭ ءبىر رەتتىك (دوزاداعى ترومبوتسيتتەردىڭ سانى كەمىندە 200 ح 109) دوناتسياسى ءۇشىن - 1 ايلىق ەسەپتىك كورسەتكىش;
6) اپپاراتتىق تسيتافەرەز كەزىندە ەريتروتسيتتەردىڭ ءبىر دوزاسىنىڭ ءبىر رەتتىك (دوزادا كەمىندە 45 گرامم گەموگلوبين) دوناتسياسى ءۇشىن - 2 ايلىق ەسەپتىك كورسەتكىش.
2. دونور 1-تارماقتىڭ 1) تارماقشاسىندا بەلگىلەنگەن كولەمنەن از قانمەن ونىڭ كومپونەتتەرىنىڭ دوناتسياسى كەزىندە اقى تولەۋ 1-تارماقتىڭ 1) تارماقشاسىندا كورسەتىلگەن مولشەرىنە پروپورتسيونالدى جۇزەگە اسىرىلادى.
3. دونور ءبىر رەتتىك پلازمافەرەز جۇرگىزە وتىرىپ, قان كومپونەنتتەرىنىڭ (پلازما, يممۋندىق پلازما, يزوممۋندىق پلازما) دوناتسياسى كەزىندە اقى تولەۋ 1-تارماقتىڭ 2), 3), 4) تارماقشالارىندا كورسەتىلگەن مولشەرگە پروپورتسيونالدى جۇزەگە اسىرىلادى.
4. دونورلىق فۋنكتسيانى وتەۋسىز نەگىزدە جۇزەگە اسىرعان دونور ءوز قانىنىڭ كولەمىن جانە ورگانيزمنىڭ ەنەرگەتيكالىق شىعىندارىن تولتىرۋ ءۇشىن دوناتسيا كۇنى تاڭداۋى بويىنشا تەگىن تاماق نە ءتيىستى قارجى جىلىنا ارنالعان رەسپۋبليكالىق بيۋدجەت تۋرالى زاڭمەن بەلگىلەنگەن ايلىق ەسەپتىك كورسەتكىشتىڭ 0,25 مولشەرىندەگى ونىڭ اقشالاي بالاماسىن الادى.
بۇل رەتتە دونورعا تەگىن تاماق بەرۋ زاڭناماعا سايكەس جۇرگىزىلەدى.
قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ
2015 جىلعى 22 مامىرداعى №374 بۇيرىعىنا 2-قوسىمشا
دونورلىق فۋنكتسيانى اقىلى نەگىزدە جۇزەگە اسىراتىن
دونورلارعا اقى تولەۋدى جۇزەگە اسىرۋ قاعيدالارى
1. وسى دونورلىق فۋنكتسيانى اقىلى نەگىزدە دوناتسيالاعانى ءۇشىن دونورلارعا اقى تولەۋدى جۇزەگە اسىرۋ قاعيدالارى (بۇدان ءارى - قاعيدالار) «حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 167-بابىنىڭ 8-تارماعىنا سايكەس ازىرلەندى جانە دونورلىق فۋنكتسيانى اقىلى نەگىزدە جۇرگىزەتىن دونورلارعا قان مەن ونىڭ كومپونەنتتەرىنىڭ دوناتسياسى ءۇشىن اقى تولەۋدى جۇزەگە اسىرۋ ءتارتىبىن ايقىندايدى.
2. دونور, دونورلىق فۋنكتسيانى اقىلى نەگىزدە جۇرگىزەتىن دەنساۋلىق ساقتاۋ ۇيىمدارىنىڭ تىركەۋ بولىمىنە قان قىزمەتى سالاسىندا جۇزەگە اساتىن دونورلاردىڭ ەلەكتروندى بازاسىنا ءتول قۇجات دەرەكتەرىن سايكەستەندىرۋدى ەنگىزۋ ءۇشىن جەكە كۋالىگىن ۇسىنادى.
3. دونورلىق فۋنكتسيانى اقىلى نەگىزدە جۇرگىزەتىن دونورلارعا قان مەن ونىڭ كومپونەنتتەرىنىڭ دوناتسياسى ءۇشىن اقى تولەۋدى قان قىزمەتى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمدارى جۇرگىزەدى.
4. قان قىزمەتى سالاسىنداعى قىزمەتتى جۇزەگە اسىراتىن دەنساۋلىق ساقتاۋ ۇيىمىندا قان مەن ونىڭ كومپونەنتتەرىن دوناتسيالاۋدان كەيىن نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6697 بولىپ تىركەلگەن «دەنساۋلىق ساقتاۋ ۇيىمدارىنىڭ باستاپقى مەديتسينالىق قۇجاتتاما نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ مىندەتىن اتقارۋشىنىڭ 2010 جىلعى 23 قاراشاداعى № 907 بۇيرىعىمەن بەكىتىلگەن № 404/ە نىسانى بويىنشا دونورعا قان مەن ونىڭ كومپونەنتتەرىنىڭ دوناتسياسىن راستايتىن قۇجات بەرىلەدى.
5. وسى قاعيدالاردىڭ 3-تارماعىندا كوزدەلگەن قۇجاتتىڭ نەگىزىندە اقى تولەۋ قان مەن ونىڭ كومپونەنتتەرىن دوناتسيالاۋ كۇنى جۇزەگە اسىرىلادى.
6. دونوردىڭ پلازماسىندا پلازمانى دوناتسيالاۋ كەزىندە ونى تسەنتريفۋگالاۋ ادىسىمەن قاننىڭ نىساندى ەلەمەنتتەرىنەن بولگەننەن كەيىن وندا حيلەز (بۇلدىر, اق تۇستەن اقشىل تۇسكە دەيىن مايلانۋ) بايقالعان كەزدە اقى تولەۋ جۇزەگە اسىرىلمايدى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 24 ماۋسىمداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №11424 بولىپ ەنگىزىلدى.