الماتى الاقانعا سالعانداي

دەمالىس كۇنى الماتىلىقتار قۋانىشتى وقيعانىڭ كۋاسى بولدى. سەنبى كۇنى الماتىدا الىپ شولۋ دوڭگەلەگى پايدالانۋعا بەرىلدى. «Happy Eye» اتاۋىنا يە بولعان دوڭگەلەك ورتالىق ازياداعى ەڭ ۇلكەنى دەسەدى. بۇكىل قالانى الاقانعا سالعانداي انىق كورسەتەتىن دەمالىس نىسانىنىڭ اشىلۋىنا قالا اكىمى باۋىرجان بايبەك قاتىسىپ, العاشقىلاردىڭ ءبىرى بولىپ «Happy Eye» ارقىلى مەگاپوليستى توبەسىنەن كوردى.  قالانى 16 مينۋتتا تاماشالاپ شىعۋعا بولاتىن «Happy Eye» ءدوڭ­گەلەگى MEGA Alma-Ata ساۋدا, ويىن-ساۋىق ورتالىعىنىڭ اۋماعىندا ور­نالاسقان. 2015 جىلى Mega Cen­ter Management كومپانياسى «Hap­py Eye» قۇرىلىسىنا اۆتوكولىك تۇرا­عى ەسەبىنەن 1765 شارشى مەتر جەر­دى قاراستىرعان بولاتىن. قالا كەل­بەتى­مەن ۇيلەسە كەتكەن شولعىنشى ءدوڭ­گەلەك پارك اۋماعىنان تىس ورنالاسقان. بۇل جوبانى HAPPYLON كومپانياسى مەن يەسى «Astana Group» كومپانياسى بىرىگە وتىرىپ جۇزەگە اسىردى. قالا تۇرعىندارى عانا ەمەس, كەلگەن قوناقتارعا تاماشا اسەر سىيلاي الاتىن الماتىنىڭ الىپ دوڭگەلەگى تۋريستەردى تارتۋعا دا سەپتەسەدى دەپ كۇتىلۋدە. HAPPYLON كومپانياسىنىڭ نەگىزىن قالاۋشى ءارى قوجايىنى رۋستام اگەەۆ جوبانى جۇزەگە اسىرۋ بارىسىندا قولداۋ كورسەتكەن بارلىق ازاماتتارعا العىسىن بىلدىرە كەلە: «الماتى قالاسىنىڭ اكىمدىگى بىزگە «بيزنەستىڭ جول كارتاسى-2020» باعدارلاماسى اياسىندا «كاسىپكەرلىك سەكتورىن ساۋىقتىرۋ» باعىتىندا سەنىم ارتتى. قالا بيلىگى قۇرىلىس كەزىندە بارلىق تالاپتاردىڭ قاتاڭ ساقتالۋىن قاداعالادى. بۇل ءوز كەزەگىندە نىساندى پايدالانۋ كەزىندەگى قاۋىپسىزدىكتىڭ كەپىلى بولاتىنى ءسوزسىز», دەدى. سونىمەن, «Happy Eye» قۇرى­لى­سىنىڭ تەحنيكالىق تۇرعىداعى جۇمىستارىن اقش پەن جاپو­نيانىڭ جەر سىلكىنىسىنە قاۋىپتى اي­ماقتارىندا وسىعان ۇقساس نىسان­داردىڭ قۇرى­لىسىمەن اينا­لىسقان تechnical Park يتاليالىق كوم­پا­نياسى اتقارعان. اتالعان جوباعا 1,6 ميلليارد تەڭگە ينۆەستيتسيالانعان. «Happy Eye» قۇرىلىسىنا كەتكەن قاراجات 5-7 جىلدا ءوزىن ءوزى اقتايدى دەگەن ەسەپ بار. سالماعى 360 توننانى قۇرايتىن شولۋ دوڭگەلەگىنىڭ ىرگەتاسىن قۇيۋ ءۇشىن 857 توننا بەتون قاجەت بولعان. جوعارىدا اتاپ وتكەندەي, «Happy Eye» تەحنيكالىق تالاپتارعا ساي قۇراستىرىلعان جانە مەملەكەتتىك ساراپتامادان وتكەن. وعان قوسا, قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتىنىڭ ماماندارى تاۋەلسىز ساراپتاما جۇرگىزگەن. ايناش ەسالي, «ەگەمەن قازاقستان» الماتى