بۇل «تەم 18»دم» ماركالى لوكوموتيۆتەرىنە ەۋرازيالىق توپ (ERG قۇرامىنداعى «قازحروم» تۇك» اق فيليالى – اقسۋ فەرروقورىتپا زاۋىتى كاسىپورىننىڭ ينۆەستيتسيالىق باعدارلاماسى اياسىندا قول جەتكىزدى. ناتيجەسىندە بىردەن سەگىز ماشينيست كونەرگەن تەپلوۆوزدارىنان اناعۇرلىم جايلى ءارى قۋاتتى جۇيەسى بار ماشينالارعا اۋىستى.
جاڭا تەپلوۆوزدار رەسەيدەن جەتكىزىلدى. كاسىپورىنداعى تسەحتارعا بالقىتىلاتىن مەتالل شيكىزاتىن, باسقا دا دايىن ونىمدەردى جەتكىزەدى. زاماناۋي لوكوموتيۆتەردىڭ كونسترۋكتسيالىق جىلدامدىعى ساعاتىنا – 100 شاقىرىم. جاڭا تەحنيكانىڭ ەسكىدەن ايىرماشىلىعى – گيدراۆليكالىق ەمەس, ەلەكترلىك جۇيەنى پايدالانادى. ياعني, بۇل جۇيەدە ماي مۇلدەم جوق, كولىك ەكولوگيالىق تۇرعىدا قاۋىپسىز. جالپى العاندا, جاڭا تەپلوۆوزداردىڭ كەلۋىن فەرروقورىتپا زاۋىتى اسىعا كۇتىپ ءجۇردى.
– ءبىزدىڭ زاۋىت كاسىپورىنداعى تەحنيكانى جاڭارتىپ, جاڭعىرتۋ باعدارلاماسىن قولعا الدى. جاڭا لوكوموتيۆتەردى پايدالانۋدا بىلىكتى بولۋ ءۇشىن ءبىزدىڭ جۇمىسشىلارىمىز بريانسك زاۋىتىنا بارىپ بىلىمدەرىن جەتىلدىرىپ كەلدى, – دەيدى زاۋىت ديرەكتورى سەرگەي پروكوپەۆ.
ال زاماناۋي تەحنيكانى مەڭگەرىپ ءۇلگەرگەن زاۋىتتىڭ تەمىر جول تسەحىنىڭ ماشينيستەرى كابيناداعى جۇمىس ورىندارىنىڭ جايلىلىعى مەن تيىمدىلىگىنە قۋانىشتى. وندا كونديتسيونەر, توڭازىتقىش, جايلى كرەسلولار جانە دىبىس وتكىزبەيتىن اشىلۋ جۇيەسى بار شىنى پاكەتتەر بار. بۇرىنعىعا قاراعاندا ارتىقشىلىقتارى كوپ.
– كەز كەلگەن جاعدايدا, ءبىز ارقاشان ساق بولۋىمىز كەرەك. ءبىزدىڭ جانە زاۋىتتاعى وزگە دە ارىپتەستەرىمىزدىڭ قاۋىپسىزدىگى وسىعان بايلانىستى. سوندىقتان دا قانداي دا قولايسىزدىقتارعا كوڭىل بولۋگە ۋاقىت جوق ەدى. ال جاڭا تەپلوۆوزداردا ءبارى ەسكەرىلگەن. ءماشينيستىڭ كابيناسى – كىشىگىرىم پاتەر, وندا ءبارى قول استىندا. ەندى مەنىڭ جۇمىس ورنىم ۇشقىشتىڭ كابيناسىنا ۇقسايدى – تەتىك ۇلكەن ديسپلەيمەن, ناۆيگاتسيا جۇيەسىمەن, 30-دان اسا پارامەترلەردى كورسەتەتىن «بورت» اۆتوماتتى باعدارلامالىق كەشەنىمەن جابدىقتالعان. مەن ەندى سۋ دەڭگەيىن, قىسىمدى, ديزەل-گەنەراتور ىشىندەگى قاجەتتى تەمپەراتۋرا كورسەتكىشتەرىنە دەيىن ءبارىن ناقتى كورىپ وتىرامىن, – دەيدى تەپلوۆوز ءماشينيسى دەنيس ستاۆروۆ.
بۇل كۇندەرى زاۋىتتىڭ تەمىر جول تسەحىنىڭ قۇرامىندا جالپى سانى 16 لوكوموتيۆ بار. ينۆەستيتسيالىق باعدارلاما شەڭبەرىندە تەحنولوگيالىق پارك جىل سايىن زاماناۋي تەحنيكالارمەن تولىقتىرىلىپ كەلەدى.
فاريدا بىقاي,
«ەگەمەن قازاقستان»
پاۆلودار وبلىسى,
اقسۋ قالاسى