مەملەكەت باسشىسىنىڭ قاتىسۋىمەن وتەتىن الداعى ءىس-شارالار اڭداتپاسى بەلگىلى بولدى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان ەگەمەن-اقپارات حابارلادى.
نۇرسۇلتان نازارباەۆ 4 قازاندا استانادا وتەتىن «ەۋرازيا كەڭىستىگىنىڭ كولىك-لوگيستيكالىق الەۋەتىن دامىتۋ» اتتى قازاقستان مەن رەسەي وڭىرارالىق ىنتىماقتاستىعى XIII فورۋمىنىڭ پلەنارلىق وتىرىسىنا قاتىسادى.
ءىس-شارا اياسىندا قازاقستان پرەزيدەنتىنىڭ رەسەي فەدەراتسياسى پرەزيدەنتىمەن ەكىجاقتى كەزدەسۋى, سونداي-اق ولاردىڭ قازاقستان-رەسەي بيزنەس-فورۋمىنا قاتىسۋى جوسپارلانىپ وتىر.
ەگەمەن-اقپارات