قوستانايدا ش.قابىلباەۆ اتىنداعى پوليتسيا اكادەمياسىنىڭ 45 جىلدىعىنا ورايلاستىرىلعان رەسپۋبليكالىق "دومبىرا-دۋمان" فەستيۆالى ءوتتى. وعان قوستانايمەن قاتار استانا, الماتى, قاراعاندى, اقتوبە وبلىستارىنداعى جوعارى وقۋ ورىندارىنان دومبىراشى جاستار قاتىستى. فەستيۆالدە جاستار «كۇي» جانە «ءداستۇرلى ءان» اتالىمدارى بويىنشا ونەر باسەكەسىنە ءتۇستى. «كۇي» اتالىمى بويىنشا ش.قابىلباەۆ اتىنداعى باس جۇلدەنى م.دۋلاتوۆ اتىنداعى قوستاناي ينجەنەرلىك-ەكونوميكالىق ۋنيۆەرسيتەتىنىڭ ستۋدەنتى امانگەلدى ومىرزاقوۆ يەلەندى. ءبىرىنشى ورىندى قاراعاندى اكادەمياسىنىڭ كۋرسانتتارى ەرحان جالعاسباەۆ پەن نۇرجان قۇرمانتاەۆ الدى. ەكىنشى ورىن قوستاناي اكادەمياسىنىڭ كۋرسانتى قۋانىش داۋتوۆكە, ءۇشىنشى ورىن قر ۇلتتىق ۇلانى اسكەري ينستيتۋتىنىڭ وكىلى ارداق ايتجانوۆقا بەرىلدى.
«ءداستۇرلى ءان» اتالىمى بويىنشا ج.كارمەنوۆ اتىنداعى باس جۇلدەگە قر ۇلتتىق ۇلانى اسكەري ينستيتۋتىنىڭ وكىلى ولجاس سۇراعانوۆ لايىق دەپ شەشىلدى. ءبىرىنشى ورىندى قوستاناي اكادەمياسىنىڭ كۋرسانتى سۇلەيمەن مۇحيت, ەكىنشى ورىندى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ ستۋدەنتى نۇرسۇلتان قاسىم, ءۇشىنشى ورىندى قر ءىىم توتەنشە جاعدايلار كوميتەتى كوكشەتاۋ تەحنيكالىق ينستيتۋتىنىڭ كۋرسانتى اقان نۇرداۋلەت يەلەندى.
ءنازيرا جارىمبەتوۆا, قوستاناي